Gujarati News

રાજકોટ તા. ૩: અન્ન, નાગરિક પુરવઠા અને ગ્રાહકોની બાબતોના વિભાગના મંત્રી શ્રી મોહમ્મદ શાહિદ (આઇ.એ.એસ.) એ તમામ કલેકટરો અને ડી.ડી.ઓ. જોગ પત્ર પાઠવી મગફળી ખરીદી માટે નોંધાયેલા ખેડૂતોના આધાર-પૂરાવા ચકાસવા સૂચના આપી છે.

તેમણે તમામ જિલ્લામાં પત્રથી જણાવ્યું છે કે, લઘુત્તમ ટેકાના ભાવે મગફળીના જથ્થાના વેચાણ માટે ખેડૂતોની નોંધણી તા. ૦૧/૧૦/ર૦૧૯ના રોજથી ઇ-ગ્રામ ખાતે વી.સી.ઇ. મારફત તેમજ રાજયના ૧ર૪ યાર્ડના ખાતે થઇ રહેલ છે. ખેડૂત તરફથી નોંધણી સમયે વિવિધ દસ્તાવેજો જેવા કે ગા.ન. નંબર ૭/૧ર, ૮-અ, મગફળીના વાવેતર અંગે તલાટીનો દાખલો, આધાર કાર્ડ, બેંક પાસબૂકની પ્રથમ પાનની નકલ અથવા કેન્સલ કરેલી ચેક રજુ કરવામાં આવે છે. આ તમામ રજૂ થયેલ ફીજીકલ ડોકયુમેન્ટ સાચા છે, પુરતા છે, યોગ્ય છે તથા તેને આધારે સાચી નોંધણી થઇ તે બાબતો ચકાસવી અત્યંત આવશ્યક છે, આ બાબતને ધ્યાને લેતાં સદરહું, ડોકયુમેન્ટની ખરાઇ અને ચકાસણી તેમજ જરૂર જણાય રેન્ડમલી સ્થળ તપાસ કરવા બાતે નીચે મુજબના અધિકારી/કર્મચારીઓની વ્યવસ્થા ગોઠવાવી.

(૧) ગ્રાહક સેવકે પોતાના સેજા હેઠળના ગલામોમાં ફીજીકલ ડોકયુમેન્ટની ૧૦૦% ચકાસણી કરવાની રહેશે. અને પોતાના નામ સાથેના સહિ-સિકકાથી પ્રમાણિત કરવાનાં રહેશે. (ર) વિસ્તરણ અધિકારી (ખેતી) એ દરેક ગામમાં ફીજીકલ ડોકયુમેન્ટની રપ% ચકાસણી કરવાની રહેશે તથા પોતાના નામ સાથેના સહિ-સિકકાથી પ્રમાણિત કરવાનાં રહેશે. (૩) તાલુકા વિકાસ અધિકારી તથા મામલતદારે ૧૦-૧૦% ડોકયુમેન્ટની ચકાસણી કરવાની રહેશે. કયાંય ગેરરીતિ જણાય તો જવાબદાર કર્મચારીઓ સામે પગલા લઇ ખોટી નોંધણી રદ કરવી.