Gujarati News

સુરતના કરોડો રૂપિયાના ડાયમંડના પાર્સલ મુંબઈમાં જપ્ત કરવામાં આવતા સુરતના હીરા ઉદ્યોગમાં ખળભળાટ મચી ગયો છે. વિધાનસભા ચૂંટણીને લઈને મહારાષ્ટ્રમાં આચારસંહિતા લાગુ કરવામાં આવી છે. જેને પગલે ચેકિંગ શરૂ થતાં આંગડિયા પેઢીના કરોડોના ડાયમંડ સીલ કરી દેવામાં આવ્યા છે.

સુરતની 12 આંગડિયા પેઢીના ડાયમંડના પાર્સલ મુંબઈમાં જપ્ત કરવામાં આવ્યા છે, મહત્વનું છે કે વિધાનસભા ચૂંટણીને લઈ મહારાષ્ટ્રમાં તમામ મોટા નાણાકીય વ્યવહારો પર નજર રાખવામાં આવી રહી છે. ત્યારે હવે ચૂંટણી પૂર્ણ ન થાય ત્યાં સુધી સુરતના ડાયમંડ ઉદ્યોગમાં ફફડાટનો માહોલ રહે તેવી શક્યતા સેવાઈ રહી છે