Gujarati News

Gujarati News

News of Friday, 3rd July 2020

સુરતમાં કોરોનાનો કહેર : આરોગ્ય મંત્રી કુમાર કાનાણી ખોવાયાના બેનરો લાગ્યા

સુરતમાં અનેક સ્થળોએ આમઆદમી પાર્ટીએ બેનર લગાવ્યાઃ હું ગાંધીનગર છું... કયાંય ખોવાયો નથી : કુમાર કાનાણી

સુરત તા. ૩ : શહેરમાં દિવસેને દિવસે કોરોનાના કેસમાં વધારો થઈ રહ્યો છે. ત્યારે રાજયના આરોગ્યમંત્રી કુમાર કાનાણી ખોવાયા હોવાના બેનરો શહેરમાં ઠેર-ઠેર લાગ્યા છે. આમ આદમી પાર્ટી સુરતના બેનર હેઠળ આ બેનરો લગાવવામાં આવ્યા છે.

શહેરમાં આમ આદમી પાર્ટી સુરતના બેનર હેઠળ રાજય આરોગ્યમંત્રી કુમાર કાનાણી ખોવાયા હોવાના બેનર લાગ્યા છે. જેમાં જે કોઈ ને પણ મળે તો સુરત સિવિલ હોસ્પિટલ પહોંચાડવા વિનંતી પણ કરવામાં આવી છે. શહેરના સરથાણા, સિંગણપોર, કોઝવે, ડભોલી સહિતના મોટાભાગના વિસ્તારમાં બેનરો લગાવવામાં આવ્યા છે. હાલ તો આ બેનરો સોશિયલ મીડિયામાં પણ વાઇરલ થઈ રહ્યા છે.

આ બાબતે આરોગ્ય મંત્રી કુમાર કાનાણીએ પત્રકારોને જણાવ્યું હતું કે, મારી પુત્ર વધુ અને પૌત્રનો રિપોર્ટ પોઝિટિવ આવ્યા ત્યારે હું ગાંધીનગર હતો. જેથી હું ગાંધીનગરમાં જ રહ્યો છું. હું કયાંય ખોવાયો નથી. આ તો રાજકીય કાવતરૂ છે. આગામી દિવસોમાં કોર્પોરેશનની ચૂંટણી આવી રહી છે. જેને લઈને મારા વિરુદ્ઘ પ્રચાર કરી રહ્યા છે.

બેનરો લગાવવા બાબતે આપ અને ભાજપના કાર્યકરો વચ્ચે બોલાચાલી થઈ હતી.ઙ્ગસરથાણા પોલીસ વિસ્તારમાં આ ઘટના બની હતી. ત્યારબાદ પોલીસે મામલો થાળે પાડી બંને પક્ષના કાર્યકરોને સ્થળ પરથી દૂર કરવામાં આવ્યા હતા.

(4:09 pm IST)
  • રાજ્યસભા સાંસદ અને લૉ કમિશન ઓફ ઇન્ડિયાના પૂર્વ સભ્ય શ્રી અભયભાઈ ભારદ્વાજ, રવિવારે સવારે 11 વાગ્યે, તેમના ફેસબુક પેઈજ www.facebook.com/bharadwajabhay પર મેડીકલ જ્યુરીસ્પ્રુડન્સ વિષય પર લાઈવ વક્તવ્ય આપશે તેમ જાણવા મળે છે. access_time 7:45 pm IST

  • રાત્રે 9-45 વાગ્યાથી રાજકોટમાં વરસાદ શરૂ : છેલ્લી 15 મિનિટથી ધીમીધારે સતત વરસતો વરસાદથી રસ્તાઓ ભીના : દિવસભરના અસહ્ય બફારા અને ઉકળાટ બાદ મોડીરાત્રે વાતાવરણમાં ઠંડક પ્રસરી: access_time 10:04 pm IST

  • દેશમાં કોરોનાએ હાહાકાર મચાવ્યો : કુલ કેસની સંખ્યા 6 .50 લાખ નજીક પહોંચી : છેલ્લા 24 કલાકમાં અત્યાર સુધીના સૌથી વધુ 22,721 નવા કેસ નોંધાયા : મહારાષ્ટ્રં , તામિલનાડુ ,કર્ણાટક અને તેલંગાણામાં કોરોનાના રેકોર્ડબ્રેક નવા કેસ :રાત્રે 12 વાગ્યા સુધીમાં દેશમાં કોરોનાના કુલ 6, 49,889 કેસ થયા : 2,36,835 એક્ટિવ કેસ :કુલ 3,94,319 દર્દીઓ રિકવર થયા :વધુ 444 લોકોના મોત સાથે કુલ મૃત્યુઆંક 18,669 થયો :મહારાષ્ટ્રમાં સૌથી વધુ નવા 6364 કેસ સાથે કુલ કેસની સંખ્યા 1,92,990 થઇ: તામિલનાડુમાં નવા 4329 કેસ સાથે કુલ કેસનો આંક 1,02,721 થયો :દિલ્હીમાં વધુ 2520 કેસ : કર્ણાટકમાં 1694 નવા કેસ : તેલંગાણામાં નવા 1892 કેસ નોંધાયા access_time 1:13 am IST