Gujarati News

અમદાવાદઃ ગુજરાત ચેમ્બર ઓફ કોમર્સની ચૂંટણી અને વાર્ષિક સામાન્ય સભા કોરોના મહામારીને પગલે રદ કર્યાની જાહેરાત પ્રમુખ દુર્ગેશ બુચે કરી છે. ચેમ્બર ઓફ કોમર્સ એન્ડ ઈન્ડસ્ટ્રીના બંધારણના નિયમ-૫૨ (i) મુજબ આ નિર્ણય લેવાયો હોવાનું પ્રમુખે જણાવ્યું છે. આ નિર્ણયને પગલે આજથી જ ચૂંટણી કાગીરીની પ્રક્રિયા સ્થગિત કરી દેવાઈ છે.

ગુજરાત ચેમ્બર ઓફ કોમર્સની કારોબારી સમિતિની મિટિંગ મળી હતી. જેમાં નક્કી થયેલો ચૂંટણી કાર્યક્રમ દરેક સભ્યને ગત તા.૧-૬-૨૦૨૦ના રોજ મોકલ્યો હતો.તે પ્રમાણે ઉમેદવારોની ફાઈનલ યાદી ગત તા. ૨૨-૬-૨૦૨૦ના રોજ તૈયાર કર્યા બાદ તા.૧૧-૭-૨૦૨૦ના રોજ ચૂંટણી અને વાર્ષિક સામાન્ય સભા યોજવાનો નિર્ણય લેવાયો હતો.