Gujarati News

Gujarati News

News of Wednesday, 3rd June 2020

વલસાડના જેસપોર- ડુંગરીમાં તળાવની પાળનું ધોવાણ ચોમાસામાં વિકરાળ બને તેવી સંભાવના: તંત્રની નિષ્ક્રિયતા : ખેડૂતોને નુકસાન

તાકીદે સમારકામની જરૂર :ગાબડું વિકરાળ સ્વરૂપ લઈને તળાવ ફાટવાની હદે જતા લાગુ વીસેક ખેડૂતોની ખેતીને ભારે નુકસાન કરશે

વલસાડ તાલુકાના ડુંગરી પાસે જેસપોર ગામ આવેલું છે જ્યાં અંબિકા પેટા વિભાગની પ્રશાખા દ્વારા વચલા અને પટેલ ફળિયા ખાતે ના તળાવમાં નહેરના પાણીનો સંગ્રહ કરવામાં આવે છે જેની પાળનું ગત ચોમાસામાં ધોવાણ થતાં મોટું ગાબડું પડયું છે જે આ ચોમાસે વધુ વિકરાળ બનવાની સંભાવના હોય ખેડૂતોમાં ગભરાટ ફેલાયો છે.

   પ્રાપ્ત વિગત મુજબ  આ બે તળાવમાં ઉનાળામાં નહેર દ્વારા પાણી લાવી ભરવામાં આવે છે જે પ્રશાખા ભારે જર્જરિત થઈ ગયેલી છે જેની જાળવણી અંબિકા પેટા વિભાગ- વલસાડ  કરતું નથી. નહેરનું પાણી તળાવમાં પાડવા માટે જે પાળ બનાવેલી તે રક્ષિત દિવાલમાં ગાબડા પડયા છે તેનું જો સમારકામ નહીં કરવામાં આવે તો આ ગાબડું વિકરાળ સ્વરૂપ લઈને તળાવ ફાટવાની હદે જતા લાગુ વીસેક ખેડૂતોની ખેતીને ભારે નુકસાન કરશે, અકલ્પ્ય જમીનનું ધોવાણ કરશે

   .ગામના બીપીએલ સરપંચ તથા અગ્રણીઓએ સંબંધિત તંત્રો સમક્ષ રજૂઆતો કરીને સમારકામ માંગ કરી હતી પરંતુ જિલ્લા કલેકટરથી લઈને ધારાસભ્ય કે નહેર ખાતાવાળા કોઈએ દાદ આપી નથી આશ્ચર્યની વાત એ છે કે જેસપોર ગામ ધારાસભ્યએ દત્તક લીધેલું છે જેની ઉપેક્ષા ગામલોકો માટે અસહ્ય છે.માત્ર બે ટાવરના ભાડાંની આવકવાળા જેસપોર ના રહિશો ઘર નળ શિક્ષણ વિજળી વિ.વેરાની ચૂકવણી કરતા નથી

(1:37 pm IST)
  • રાત્રે સુરતમાં કોરોનાના વધુ 14 પોઝિટિવ કેસ : એક જ દિવસમાં વધુ 96 કેસ નોંધાયા : શહેરમાં 85 કેસ અને જિલ્લામાં વધુ 11 કેસ : સિટીમાં કુલ કેસની સંખ્યા 1781 અને જિલ્લામાં 136 કેસ મળીને જિલ્લામાં કુલ સંક્રમિતની સંખ્યા 1917 થઇ : આજે વધુ 2 લોકોના મોત સાથે જિલ્લામાં મૃત્યુઆંક 78 થયો : સિટીમાં 48 અને જિલ્લામાં 3 દર્દીઓને રજા અપાઈ કુલ ડિસ્ચાર્જ દર્દીઓની સંખ્યા 1259 થઇ access_time 9:49 pm IST

  • કેરળના ૪ જીલ્લામાં ઓરેન્જ એલર્ટ જાહેર કરાયું...અતિ ભારે વરસાદ પડવાની ચેતવણી અપાઇ access_time 3:58 pm IST

  • જમ્મુ- કાશ્મીરના પુલવામાં જૈસ -એ - મોહમ્દના વધુ ૩ આતંકવાદીઓ ઠાર મરાયા છેઃ આજે સવારે કંગન વિસ્તારમાં અસ્તાન મોહલ્લામાં ઓપરેશન હાથ ધરાયેલ ત્યાંથી મોટી સંખ્યામાં હથીયાર અને ગોળાબારૂદ મળેલ છેઃ એક જવાન જખ્મી access_time 12:41 pm IST