Gujarati News

Gujarati News

News of Wednesday, 3rd March 2021

તિલકવાડાના ઝાઝપુર ગામમાં "તમે કેમ કોંગ્રેસને મત આપ્યો છે" તેમ કહી હુમલો કરી ઇજા કરનાર 4 વિરુદ્ધ ફરિયાદ

(ભરત શાહ દ્વારા) રાજપીપળા : નર્મદા જિલ્લામાં સ્થાનિક સ્વરાજ્યની ચૂંટણીના મંગળવારે પરિણામો જાહેર થયા હોય જેમાં કેટલાકથી હાર સહન ન થતા માથાકૂટ થવાની ઘટના બની હતી જેમાં તિલકવાડાના ઝાઝપુર ગામમાં પણ એક વ્યક્તિ પર ચાર ઈસમો એ હુમલો કર્યાની ઘટના પોલીસ ચોપડે નોંધાઈ છે.

પ્રાપ્ત માહિતી અનુસાર ઝાઝપુર ગામના યોગેશભાઇ રણછોડભાઇ બારીયા ની ફરિયાદ મુજબ તેમના ગામના વિજયભાઇ નટવરભાઇ બારીયા,નટવરભાઇ છગનભાઇ બારીયા,ગોપાલભાઇ છગનભાઇ બારીયા અને મંગુભાઇ બબાભાઇ બારીયા એ તેમને જણાવેલ કે તમે કેમ કોગ્રેસ ને મત આપ્યો છે, તેમ કહેતા ફરી. એ જણાવેલ કે કોણે તમને કીધુ છે કે મે કોગ્રેસને મત આપ્યો છે મારો મત હું ગમે તેને આપુ તેમ કહેતા ચારેય ઉશ્કેરાઇ ગયા બાદ ફરી.ને ગમે તેમ ગાળો બોલી ઝઘડો કરી લોંખડની પાઇપ મારી ઇજા કરી ફરી.ને નિશાળની પાકી દિવાલ સાથે અથાડી માથામાં પણ ઇજા કરેલ ઢીકાપાટુનો માર મારી જાનથી મારી નાખવાની ધમકી આપતા તિલકવાડા પોલીસે ચારેય વિરુદ્ધ ગુનો દાખલ કર્યો છે

(10:42 pm IST)
  • દેશમાં રસીકરણ અભિયાને ઝડપ પકડી : અત્યાર સુધીમાં 1.54 કરોડ લોકોએ રસી લીધી : પીએમ મોદીની અપીલની દેખાઈ અસર :છેલ્લા બે દિવસમાં રસીકરણ માટે અંદાજે 50 લાખથી વધુ લોકોએ રજીસ્ટ્રેશન કરાવ્યું access_time 12:57 am IST

  • સ્પેનિશ બોક્સિંગ ટુર્નામેન્ટમાં મેરીકોમ અને અમિત પંઘાલ સહીત 12 ભારતીયો ક્વાર્ટર ફાઇનલમાં પહોંચ્યા : આ ટુર્નામેન્ટમાં ભારતના ટોકિયો ઓલમ્પિક કોટા હાંસલ કરનારા તમામ 9 બોક્સર ઉપરાંત પાંચ અન્ય મુક્કેબાજ પણ ભાગ લઇ રહ્યા છે access_time 12:44 am IST

  • મોટા ગજાના બોલીવૂડ કલાકારો ઉપર આઈટી તૂટી પડ્યુ : બોલીવૂડના મોટા ગજાના સ્ટાર તાપસી પન્નુ, અનુરાગ કશ્યપના મુંબઈ અને દિલ્હી ખાતેના નિવાસસ્થાન અને ઓફીસો ઉપર આવકવેરા ખાતાઍ મોટાપાયે દરોડા શરૂ કર્યા છે : વિગતો મેળવાઈ રહી છે access_time 1:28 pm IST