Gujarati News

Gujarati News

News of Wednesday, 3rd March 2021

બાગાતી યોજના માટે બજેટમાં ૪૪૨ કરોડની જોગવાઈ કરાઈ

રાજ્યનું સર્વાંગી વિકાસ થાય એવું બજેટ : સરકારી પડતર જમીનને બાગાયતી-ઔષધિય પાકોની ખેતી માટે મુખ્યમંત્રી બાગાયત વિકાસ મિશનની જાહેરાત

ગાંધીનગર, તા. ૩ : રાજ્યનું વર્ષ ૨૦૨૧-૨૨ માટેનું બજેટ નાણામંત્રી નીતિન પટેલ રજુ કરી રહ્યાં છે. તેઓ આજે નવમી વખત બજેટ રજુ કરી રહ્યાં છે. બજેટ રજુ કરતા પહેલા તેમણે જણાવ્યું હતું કે ગુજરાતના પ્રજાજનોનો સર્વાંગી વિકાસ થાય તેવું બજેટ રહેશે.

રાજ્ય સરકારના બજેટમાં આ વર્ષે બાગાયત ખાતાની યોજનાઓ માટે રૂ. ૪૪૨ કરોડની જોગવાઈ કરવામાં આવી છે. બિન ઉપજાઉ સરકારી પડતર જમીનને બાગાયતી અને ઔષધિય પાકોની ખેતી માટે ઉપયોગમાં લઇ શકાય તે હેતુથી રાજ્ય સરકારે મુખ્યમંત્રી બાગાયત વિકાસ મિશનની જાહેરાત કરેલ છે.

આ યોજનામાં પ્રથમ તબક્કામાં કચ્છ, સુરેન્દ્રનગર, પાટણ, સાબરકાંઠા અને બનાસકાંઠા જિલ્લાની ૫૦ હજાર એકર ખરાબાની બિનઉપજાઉ જમીન આધુનિક ટેક્નોલોજીથી ઉપજાઉ બનાવવા માટે અને તે દ્વારા મોટી સંખ્યામાં નવી રોજગારીનું નિર્માણ કરવા માટે પ્રગતિશીલ ખેડૂતો, સક્ષમ વ્યક્તિઓ, સંસ્થાઓ, કંપનીઓ અથવા ભાગીદારી પેઢીને ભાડાપટ્ટે આપવામાં આવશે. જેના થકી બે લાખ મેટ્રિક ટન બાગાયતી પાકોનું ઉત્પાદન અને પ્રોસેસિંગની તકો ઊભી થશે. આ યોજના માટે રૂ. ૧૦૦ કરોડની જોગવાઇ.

નર્સરીઓ અને સેન્ટર ઓફ એક્સેલેન્સના સુદ્દઢીકરણ તેમજ અર્બન હોર્ટિકલ્ચર ડેવલોપમેન્ટ કેન્દ્રોમાં તાલીમ આપવા માટે રૂ. ૨ કરોડની જોગવાઈ. આવક ઓછી છતાં સરકારે ગુજરાતના વિકાસના કામો નથી અટકાવ્યા. કોરોનાકાળમાં રાજ્યની વિકાસ યાત્રા અમે ચાલુ રાખી. મહિલાઓ, વૃદ્ધોને પેંશન આપવાની કામગીરી ચાલુ કરી. ૧૪ હજાર કરોડનું આત્મનિર્ભર પેકેજ ગુજરાત સરકારે આપ્યું. રાજ્યના ૭૬ લાખ ૩૮ હજાર પરિવારોના ખાતામાં એક હજારની નાણાકીય સહાય આપી.

(7:57 pm IST)
  • મથરામાં ' વિમલ 'પાનમસાલાના વેચાણ પર પ્રતિબંધ : અજંતા રાજ બ્રાન્ડ સ્કિમ્ડ મિલ્કના વેચાણ પર પણ રોક લગાવાઈ : વિમલ પાનમસાલાના નમુનાના પરીક્ષણમાં માણસને ઉપયોગમાં અસુરક્ષિત અને હાનિકારક જાહેર થતા પ્રતિબંધ લગાવાયો access_time 12:56 am IST

  • સમગ્ર દેશમાં સતત આજે પણ કેરળ અને મહારાષ્ટ્ર કોરોના કેસમાં ટોચ ઉપર છેલ્લા ૨૪ કલાકમાં મહારાષ્ટ્રમાં ૭૮૬૩ અને કેરળમાં ૨૯૩૮ મળીને ૨ રાજ્યમાં જ દસ હજારથી વધુ કોરોના કેસ નોંધાયા: અમરાવતી, નાગપુર, પુણે અને મુંબઈમાં કોરોના સતત હાહાકાર મચાવી રહ્યો છે,૭૭૩ થી ૧૨૨૭ કેસ: ગુજરાતમાં થોડો વધારો, ૪૫૪ કેસ: રાજકોટમાં ૪૫, વડોદરા ૭૪, સુરતમાં ૮૧ અને અમદાવાદમાં ૧૧૨ નવા કેસ નોંધાયા access_time 10:35 am IST

  • સ્વિસ બેડમિંગટન ઓપનમાં પીવી સિંધુની શાનદાર શરૂઆત : પ્રિ-ક્વાર્ટર ફાઇનલમાં પહોંચી : પીવી સિંધુએ તુર્કીની ખેલાડીને 42મિનિટની રમતમાં 21-16, 21-19થી હરાવી પ્રથમ દૌરનો મુકાબલો જીત્યો access_time 12:30 am IST