Gujarati News

Gujarati News

News of Wednesday, 3rd March 2021

આઇશાના આપઘાત બાદ પરિવારજનો દુઃખી : મોટી બહેનને આઘાતમાં બ્રેઈન સ્ટ્રોક આવ્યો

આઈશા આપઘાત કેસમાં પતિ આરીફના ત્રણ દિવસના રિમાન્ડ મંજુર: મોબાઈલ ફોનના સીડીઆરની વિગતો પણ પોલીસ મેળવશે

અમદાવાદ : શહેરનો ચકચારી આઈશા આપઘાત કેસમાં પતિ આરીફને આજે અમદાવાદ મેટ્રોપોલીન કોર્ટમાં રજૂ કરવામાં આવ્યો હતો. પોલીસે પાંચ દિવસના રિમાન્ડની માંગણી કરી હતી પરતું ત્રણ દિવસમાં રિમાન્ડ પણ મંજૂર કરવામાં આવ્યા છે. આઈશાના મોતને લઈ મોટી બહેનને આઘાત લાગતા બ્રેઈન સ્ટ્રોક આવ્યો છે. જેથી તેને સારવાર માટે ખાનગી હોસ્પિટલમાં દાખલ કરવામાં આવી છે

શહેરના વટવા વિસ્તારમાં રહેતી આઇશાએ રિવરફ્રન્ટ ખાતે સાબરમતી નદીમાં કૂદીને આત્મહત્યા કરી હતી. આઇશાના આપઘાતથી પરિવાર પર આભ ફાટ્યો છે. મૃતક આઇશાની મોટી બહેનને આઘાતના કારણે બ્રેઇન સ્ટ્રોક આવ્યો છે. જેથી ખાનગી હોસ્પિટલમાં તેને સારવાર આપવામાં આવી રહી છે. આ કેસમાં પોલીસ દ્વારા ઉંડાણપૂર્વક તપાસ કરવામાં આવી રહી છે. આરીફના એક્સ્ટર્નલ સબંધને લઈને તપાસ કરાશે. મોબાઈલ ફોનના સીડીઆરની વિગતો પણ પોલીસ મેળવશે અને કોની કોની સાથે વાત કરી છે તે તમામ માહિતી મેળવવામાં આવશે.

આ અંગે આઈશાના વકીલે જણાવ્યું હતુ કે, આઈશાને આરીફના અન્ય વ્યકિત સાથેના સંબધો લગ્નના થોડા જ સમયમાં ખબર પડી ગઈ હતી અને આરીફ આઇશાની સામે જ અન્ય યુવતી સાથે વીડિયો કોલ પર વાતો કરતો હતો. પોતાની પ્રમિકાને કારણે આરીફ આઇશાને અનેક વાર તેના પિતાના ઘરે મૂકી ગયો હતો. આમ, આઇશાના આપઘાત માટે પતિના લગ્નેત્તર સંબંધો હોવાનો દાવો તેના વકીલ દ્વારા કરાયો છે.

  અત્રે ઉલ્લેખનીય છે કે, આઈશાનો આપઘાત પહેલાનો વીડિયો અને તેના માતા-પિતા સાથેની વાતચીતની ઓડિયો કલીપે તમામ લોકોને હચમચાવી દીધી છે. આઇશાને લગ્નના બે મહિનામાં જ આરીફ પરેશાન કરવા લાગ્યો હતો. આરીફને અન્ય યુવતી ગમતી હતી. જોકે, આરીફે લગ્ન પહેલા આઇશાને આ વાત કરી નહોતી. આરીફ પ્રેમિકા માટે થઈને આઇશાને એકવાર અમદાવાદ મૂકી ગયો હતો. આ સમયે તે ગર્ભવતી હતી.

(7:32 pm IST)
  • પ્રજાના જબ્‍બર સમર્થનથી અમારી જવાબદારી વધી છે, નવુ બજેટ સમાજના સર્વ વર્ગ માટે વિકાસયાત્રાને વેગ આપનારુ, આરોગ્‍ય ક્ષેત્રની કામગીરી વધુ વિકસાવાશે, આત્‍મનિર્ભર ગુજરાત તરફ પ્રયાણઃ નીતિન પટેલ access_time 11:17 am IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છે : કોંગ્રેસના વરિષ્ઠ નેતા સલમાન ખુર્શીદે જી-23ના નેતાઓને લખ્યો ખીલ્લો પત્ર : પૂછ્યું કે શું તેઓ પક્ષ બદલવાનો વિચાર કરે છે ? : ખુર્શીદે ઉક્ત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 12:36 am IST

  • સ્પેનિશ બોક્સિંગ ટુર્નામેન્ટમાં મેરીકોમ અને અમિત પંઘાલ સહીત 12 ભારતીયો ક્વાર્ટર ફાઇનલમાં પહોંચ્યા : આ ટુર્નામેન્ટમાં ભારતના ટોકિયો ઓલમ્પિક કોટા હાંસલ કરનારા તમામ 9 બોક્સર ઉપરાંત પાંચ અન્ય મુક્કેબાજ પણ ભાગ લઇ રહ્યા છે access_time 12:44 am IST