Gujarati News

Gujarati News

News of Wednesday, 3rd March 2021

ગાંધીનગર નજીક પોર ગામમાં પતિ સહીત સાસરિયાના ત્રાસથી કંટાળી પરિણીતાએ એસિડ પી લેતા સારવાર અર્થે ખસેડવામાં આવી

ગાંધીનગર:શહેર નજીક આવેલા પોર ગામમાં રહેતી રપ વર્ષીય પરિણીતાએ પતિ અને સાસુના ત્રાસથી કંટાળીને એસિડ પી લેતાં તેને કલોલની ખાનગી હોસ્પિટલમાં સારવાર માટે ખસેડવામાં આવી છે. તેની ફરિયાદના આધારે અડાલજ પોલીસે પતિ અને સાસુ સામે શારિરીક માનસિક ત્રાસ અંગેનો ગુનો નોંધી વધુ તપાસ શરૃ કરી છે. 

અંગે પોલીસ સુત્રોમાંથી મળતી વિગતો પ્રમાણે ગાંધીનગર શહેર નજીક આવેલા પોર ગામમાં રહેતા નીતાબેનના લગ્ન પાંચ વર્ષ અગાઉ છનાજી પ્રહલાદજી ઠાકોર સાથે થયા હતા. તે તેમના પતિ છનાજી ઠાકોર અને સાસુ ભીખીબેન સાથે રહેતાં હતા. અવારનવાર પતિ દ્વારા તેમને માર મારવામાં આવતો હતો અને સાસુ પણ પતિનું ઉપરાણું લેતાં હતા. ગતા તા.ર૮ ફેબુ્રઆરીએ રાત્રીના સમયે તેમના પતિ અને સાસુ ઘરે હતા તે સમયે નીતાબેને કહયું હતું કે ડીંગુચા ખાતે તેમની જેઠાણીના ભાઈના લગ્ન છે હું લગ્નમાં જાઉ તેમ કહેતા પતિએ હું તારી સાથે હોઉ તે લગ્નમાં જવાનું છે તે સિવાય એકલા કયાંય જવાનું નથી. ત્યારે નીતાબેને મહોલ્લામાંથી અન્ય મહિલાઓ પણ જતી હોવાની વાત કરતાં પતિ છનાજી ઉશ્કેરાઈ ગયા હતા અને ગડદાપાટુનો માર માર્યો હતો. સાસુ ભીખીબેન પણ હાજર હોવા છતાં મારમાંથી છોડાવ્યા નહોતા અને તેમણે પણ લગનમાં જવાની ના પાડી દીધી હતી. જેથી સાસુ અને પતિન ત્રાસ કંટાળી નીતાબેને ઘરમાં પડેલું એસિડ પી લીધું હતું. જેથી તેમના પતિ તેમને સારવાર માટે અડાલજની હોસ્પિટલમાં લઈ ગયા હતા અને તું નાટક કરે છે તેમ કહયું હતું. ત્યારે બીજા દીવસે તેમની તબીયત લથડતાં તેમના ભાઈ-ભાભી કલોલની ખાનગી હોસ્પિટલમાં લઈ ગયા હતા. જયાં તેમની ફરીયાદના આધારે અડાલજ પોલીસે પતિ અને સાસુ સામે ગુનો નોંધી વધુ તપાસ શરૃ કરી છે.

(5:34 pm IST)
  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • પાકિસ્તાનના સેનેટ ચૂંટણીમાં ખૈબર પખ્તુનખ્વાહમાં પહેલા પાઘડીવાળા શીખ પ્રતિનિધિ બન્યા ગુરદીપ :સંસદના ઉપલાગૃહ માટે થયેલી ચૂંટણીમાં અલ્પસંખ્યક સીટ પર મોટા માર્જીનથી તેના હરીફ ઉમેદવારને હરાવ્યા : ગુરદીપસિંહને સદનમાં 145માંથી 103 મત મળ્યા જયારે જમિયત ઉલેમા -એ -ઇસ્લામના ઉમેદવાર રણજિતસિંહને માત્ર 25મત મળ્યા access_time 12:49 am IST