Gujarati News

Gujarati News

News of Wednesday, 3rd March 2021

અમદાવાદનું નામ કર્ણાવતી કરવા મુદ્દે રાજ્ય સરકારે કોઇ દરખાસ્ત કરી નથીઃ વિરજીભાઇ ઠુંમરે પૂછેલા પ્રશ્નમાં રાજ્ય સરકારનો જવાબ રજૂ

ગાંધીનગર: ગુજરાત વિધાનસભાનું 1 માર્ચથી બજેટ સત્ર શરૂ થયુ છે. વિધાનસભા ગૃહમાં સરકારે અમદાવાદનું નામ કર્ણાવતી કરવા મામલે લેખિત જવાબ આપ્યો છે. વિધાનસભા ગૃહમાં મુખ્યમંત્રીએ લેખિતમાં જવાબ આપ્યો છે કે અમદાવાદનું નામ કર્ણાવતી કરવા મામલે સરકારે કોઇ માંગણી કે દરખાસ્ત મોકલી નથી.

વિધાનસભાના બજેટ સત્રમાં પ્રશ્નોતરી દરમિયાન કોંગ્રેસના ધારાસભ્ય વિરજી ઠુમ્મર દ્વારા અમદાવાદનું નામ કર્ણાવતી કરવા મામલે સવાલ પૂછ્યો હતો, જેનો જવાબ આપતા સરકારે સ્પષ્ટતા કરી હતી કે, અમદાવાદનું નામ કર્ણાવતી રાખવા રાજ્ય સરકારે કોઇ દરખાસ્ત કરી નથી.

અમદાવાદ શહેરનું નામ બદલીને કર્ણાવતી શહેર રાખવાની ચર્ચા છેલ્લા ઘણાં સમયથી થઈ રહી છે. તાજેતરમાં શહેરમાં આવેલા સૌથી મોટા ક્રિકેટ સ્ટેડિયમ મોટેરાનું નામ બદલીને નરેન્દ્ર મોદી સ્ટેડિયમ કરી દેવામાં આવ્યું છે. ગુજરાતમાં જ્યારે-જ્યારે પણ ચૂંટણી આવવાની હોય, ત્યારે અવાર નવાર અમદાવાદ શહેરનું નામ બદલવાની માંગ સતત ઉઠતી રહી છે. ગુજરાતના મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલ પણ અગાઉ અનેક વખત અમદાવાદનું નામ કર્ણાવતી કરવાની પેરવી કરી ચૂક્યા છે.

1987થી અમદાવાદનું નામ બદલવાની ચર્ચા

1987માં ભારતીય જનતા પાર્ટીએ અમદાવાદ મહાનગરપાલિકામાં સત્તા સંભાળી હતી. તે સમયે અમદાવાદનું નામ કર્ણાવતી કરવાનો મુદ્દો ચગ્યો હતો, તે પછી ભાજપના સત્તાધીશોએ વર્ષ 1990ના મે મહિનામાં અમદાવાદનું નામ બદલી કર્ણાવતી કરવાનો ઠરાવ મંજૂર કરી રાજ્ય સરકારને મોકલી આપ્યો હતો. AMCના ઠરાવને રાજ્ય સરકારે મંજૂરી આપી હતી અને તેના સમર્થનમાં 1995માં ઠરાવ કરાયો હતો જેમાં અમદાવાદનું નામ કર્ણાવતી કરવાની દરખાસ્ત કરવામાં આવી હતી. વર્ષ 2004માં કેન્દ્રમાં ભાજપના નેતૃત્વવાળી NDA સરકાર હતી, જેને અમદાવાદનું નામ કર્ણાવતી કરવાના ઠરાવને પરત મોકલ્યો હતો. 34 વર્ષથી અમદાવાદનું નામ કર્ણાવતી કરવાનો વિવાદ ચાલી રહ્યો છે.

(4:44 pm IST)
  • દેશમાં કોરોનાના સતત વધતા કેસ :નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો : રાત્રે 12 વાગ્યા સુધીમાં કોરોનાના નવા 14,987 કેસ નોંધાયા :કુલ કેસની સંખ્યા 1,11,39,303 થઇ :એક્ટિવ કેસ 1,67,175 થયા વધુ 13,112 દર્દીઓ સ્વસ્થ થતા કુલ 1,08,10,161 થયા :વધુ 98 લોકોના મોત સાથે કુલ મૃત્યુઆંક 1,57,385 થયા access_time 1:02 am IST

  • વિધાનસભામાં બજેટ રજૂ કરતા નીતિન પટેલ : ગાંધીનગર : નાયબ મુખ્‍યમંત્રી શ્રી નીતિનભાઇ પટેલ આજે ગુજરાત વિધાનસભા ખાતે વર્ષ ૨૦૨૧-૨૦૨૨નું અંદાજપત્ર રજૂ કરવા આવી પહોંચ્‍યા એ વેળાની તસ્‍વીર. access_time 12:11 pm IST

  • પાકિસ્તાનના સેનેટ ચૂંટણીમાં ખૈબર પખ્તુનખ્વાહમાં પહેલા પાઘડીવાળા શીખ પ્રતિનિધિ બન્યા ગુરદીપ :સંસદના ઉપલાગૃહ માટે થયેલી ચૂંટણીમાં અલ્પસંખ્યક સીટ પર મોટા માર્જીનથી તેના હરીફ ઉમેદવારને હરાવ્યા : ગુરદીપસિંહને સદનમાં 145માંથી 103 મત મળ્યા જયારે જમિયત ઉલેમા -એ -ઇસ્લામના ઉમેદવાર રણજિતસિંહને માત્ર 25મત મળ્યા access_time 12:49 am IST