Gujarati News

Gujarati News

News of Wednesday, 3rd March 2021

મારા 40 વર્ષના રાજકીય ઈતિહાસમાં આવો વિજય ક્યારેય જોયો નથી : ભાજપની જીત પર નીતિનભાઈ પટેલનું નિવેદન

અમારો રાષ્ટ્રપ્રેમ અમારી સમાજ સેવા અને પ્રજાલક્ષી કામગીરીનું અમને પરિણામ મળ્યું

અમદાવાદ : રાજ્યની  સ્થાનિક સ્વરાજની ચૂંટણીમાં ભાજપની જીત બાદ નાયબ મુખ્યમંત્રી નીતિનભાઈ પટેલે પત્રકારો સાથે વાત કરી હતી. હું છેલ્લા 40 વર્ષથી રાજકારણમાં સક્રિય છું.પરંતુ જનતાએ જે જંગી બહુમતીથી ભાજપને વિજય અપાવ્યો છે. તેવો વિજય મેં ક્યારેય અગાઉની ચૂંટણીમાં જોયો નથી. તમામ મનપા, નગરપાલિકા, પંચાયત ભગવા રંગે રંગાઈ ગઈ છે.

અમારો રાષ્ટ્રપ્રેમ અમારી સમાજ સેવા અને પ્રજાલક્ષી કામગીરીનું અમને પરિણામ મળ્યું છે. કોંગ્રેસને આજે ગુજરાતમાં શોધવાથી પણ મળતી નથી. વિપક્ષના નેતાએ અને પ્રદેશ પ્રમુખે રાજીનામું આપવું પડે તેવી સ્થિતિ થઈ ગઈ છે. તમામ ક્ષેત્રે સરકારની કામગીરી અને કોરોનામાં પણ અમારી કામગીરીને જોઈ છે. તેના કારણે પ્રજાએ ભાજપ પર ફરી મહોર લગાવી છે. કોરોનામાં લોકોએ સરકારની સીધી કામગીરી જોઈ છે. બજેટ અંગે કહ્યું કે, બજેટની કામગીરી શરૂ થઈ ચૂકી છે. બજેટ છપાઈ પણ ગયું છે. આવતીકાલના મારા બજેટમાં સર્વાંગી વિકાર અને લોકોની અપેક્ષા પૂરું પાડતું બજેટ હશે

(11:52 pm IST)
  • કોરોનાના લીધે વેરામાં કોઈપણ જાતનો વધારો કરવામાં નહિં આવે : ઉર્જામંત્રી સૌરભ પટેલની જાહેરાત access_time 3:44 pm IST

  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • પાકિસ્તાનના સેનેટ ચૂંટણીમાં ખૈબર પખ્તુનખ્વાહમાં પહેલા પાઘડીવાળા શીખ પ્રતિનિધિ બન્યા ગુરદીપ :સંસદના ઉપલાગૃહ માટે થયેલી ચૂંટણીમાં અલ્પસંખ્યક સીટ પર મોટા માર્જીનથી તેના હરીફ ઉમેદવારને હરાવ્યા : ગુરદીપસિંહને સદનમાં 145માંથી 103 મત મળ્યા જયારે જમિયત ઉલેમા -એ -ઇસ્લામના ઉમેદવાર રણજિતસિંહને માત્ર 25મત મળ્યા access_time 12:49 am IST