Gujarati News

Gujarati News

News of Saturday, 3rd February 2018

સરકારી સહાયની લાલચ આપી વૃદ્ધોના દાગીના પડાવતી વડોદરાની મહિલા પોલીસના સકંજામાં

વડોદરા:શહેરના એમજીરોડ પર રહેતી વૃધ્ધાને સરકારી સહાય અપાવવાની લાલચ આપીને નર્મદાભુવન ખાતે લઈ ગયા બાદ અધિકારી તમારા દાગીના જોશે તો સહાય નહી મળે તેમ કહીને તેના ૧.૭૦ લાખના દાગીના પડાવી લઈને ફરાર થયેલી ઠગ મહિલાની રાવપુરા પોલીસે ધરપકડ કરી હતી.
એમજી રોડ પર અંબામાતાના મંદિર સામે રહેતાં લલીતાબેન જયંતીલાલ ગાંધી ગત ૨૫મી ઓક્ટોબરે માર્કેટમાં જતાં તેમને સહિદા ફિરોજખાન પઠાણ (રહે.ગાાગજીપુરા, ભાલેજરોડ, ઉમરેઠ) સાથે ભેંટો થયો હતો. સહિદાએ તેનું નામ જ્યોત્સના છે અને તે પાણીગેટમાં રહે છે તેવી બોગસ ઓળખ આપી હતી. તે વૃધ્ધોને સરકારી નાણાંકિય સહાય આપવા માટે ફોર્મ ભરવાનું કામ કરે છે તેમ કહીને લલીતાબહેનને નાણાંકિય સહાય અપાવવાની લાલચ આપી ઘરે ગઈ હતી. ઘરે લલીતાબહેનના પતિ હાજર હોઈ ત્યાં ઠગાઈનો કારસો પાર નહી પડતાં તે  લલિતાબહેનને  ઘરેથી રિક્ષામાં બેસાડીના નર્મદાભવન ખાતે લઈ ગઈ હતી અને તેમને ઓટલા પર બેસાડયા હતા.
તેણે લલીતાબહેનને જણાવ્યું હતું કે તમે દાગીના પહેર્યા છે તે સરકારી અધિકારી જોશે તો તમે પૈસાદાર છો તેવુ માનશે અને તમને સહાય આપવાની ના પાડશે માટે તમે જે દાગીના પહેર્યા છે તે થોડીવાર માટે કાઢીને મને આપી દો પછી આપણે સાહેબને મળવા જઈઅ.
તેની વાત પર વિશ્વાસ મુકીને  લલીતાબહેને સોનાનું સવા તોલાનું મંગળસૂત્ર અને પાંચ તોલાની બંગડીઓ સહિત ૧.૭૦ લાખના દાગીના કાઢીને સહિદાને આપ્યા હતા. દાગીના મળતા જ તે હું સાહેબને મળીને તરત આવું છુ તમ કહીને દાગીના લઈને ત્યાંથી પલાયન થઈ હતી.

(5:19 pm IST)
  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST

  • અમદાવાદઃસાયબર ક્રાઈમ બ્રાન્ચે કોલ સેન્ટર ઝડપ્યું: મીરઝાપુર વિસ્તારમાંથી સાયબર ક્રાઈમ બ્રાન્ચે કોલ સેન્ટર ઝડપ્યુ : ૪ની ધરપકડ : લોન આપવાનું જણાવી વેરીફીકેશનના નામે પૈસા ખંખેરતા હતા : ૪ વાહનો, ૪ કોમ્પ્યુટર સહિત અઢી લાખનો મુદ્દામાલ જપ્ત access_time 3:33 pm IST

  • પાકિસ્તાને દરિયામાંથી અપહરણ કરેલ માછીમારોની સંખ્યામાં વધારો : પાકમરીને ૮ બોટ અને ૪૨ માછીમારોને પકડી લીધા હોવાનું બહાર આવ્યુ : તમામ બોટ પોરબંદરની access_time 5:55 pm IST