Gujarati News

Gujarati News

News of Saturday, 3rd February 2018

પોલીસે બાતમીના આધારે કઠલાલ નજીકથી બુટલેગરના ઘરમાંથી 1,44,000નો વિદેશી દારૂનો જથ્થો ઝડપ્યો

કઠલાલ: નજીકના એક ગામેથી બુટલેગરના ઘરમાંથી વિદેશી દારૃનો જથ્થો ઝડપી લેવામાં આવ્યો છે.  તેના ઘરમાં સંતાળેલ વિદેશી દારૃ કિંમત રૃા.૧,૪૪,૦૦૦/- સાથે બુટલેગરની અટકાયત કરી પોલીસે આગળની કાર્યવાહી હાથધરી છે.

કઠલાલ તાલુકાના સરખેજ ગામે આવેલ ગણેશપુરા વિસ્તારમાં રહેતો દશરથ ભેમા રાઠોડ પોતાના ઘરે વિદેશી દારૃનો જથ્થો લાવી વેચાણ કરતો હોવાની બાતમી કઠલાલ પોલીસને મળી હતી. આથી પોલીસે ગત્ રાત્રે બાતમીના આધારે દશરથ રાઠોડના ઘરે છાપો મારતા તેના ઘરના અડારીયામાં છુપાવેલ વિદેશી દારૃની બોટલ નંગ ૪૮૦ કિંમત રૃા.૧,૪૪,૦૦૦/-નો મળી આવ્યો હતો. આ બનાવમાં બુટલેગર દશરથ રાઠોડને સ્થળ ઉપરથી ઝડપી લેવામાં આવ્યો છે. કઠલાલ પોલીસે દશરથ રાઠોડ વિરૃધ્ધ પ્રોહીબીશનનો ગુનો નોંધી આગળની કાર્યવાહી હાથધરી છે.

(5:24 pm IST)
  • એર ઇન્ડિયાના નવા માલિક અંગે જૂનના અંત સુધીમાં સ્પષ્ટતા થઇ જશે. સરકારનું લક્ષ્ય છે કે ડિસેમ્બર સુધીમાં તેની સાથે જોડાયેલી કાયદાકીય કાર્યવાહી પૂર્ણ કરી લેવાશે. તેના બાદ હરાજીમાં સંપત્તીને ટ્રાન્સફર કરવામાં આવશે તેમ ઉડ્ડ્યન મંત્રી જયંત સિન્હાએ જણાવ્યું હતું. access_time 3:11 pm IST

  • જમ્મુ કાશ્મીરના ત્રાલમાં સીઆરપીએફના કાફલા ઉપર ગ્રેનેડ હુમલોઃ ૨ જવાન તથા ૨ સ્થાનિક લોકો ઇજાગ્રસ્ત access_time 3:33 pm IST

  • અમદાવાદઃસાયબર ક્રાઈમ બ્રાન્ચે કોલ સેન્ટર ઝડપ્યું: મીરઝાપુર વિસ્તારમાંથી સાયબર ક્રાઈમ બ્રાન્ચે કોલ સેન્ટર ઝડપ્યુ : ૪ની ધરપકડ : લોન આપવાનું જણાવી વેરીફીકેશનના નામે પૈસા ખંખેરતા હતા : ૪ વાહનો, ૪ કોમ્પ્યુટર સહિત અઢી લાખનો મુદ્દામાલ જપ્ત access_time 3:33 pm IST