Gujarati News

Gujarati News

News of Saturday, 3rd February 2018

અમદાવાદના આંબાવાડીમાં કામ કરવાના મુદ્દે ગળેફાંસો ખાઈ કિશોરે મોતને વ્હાલું કર્યું

અમદાવાદ: આંબાવાડી વિસ્તારમાં સી.એન.વિદ્યાલય નજીક આવેલા એલીગન્સ એપાર્ટમેન્ટમાં માનવતા મરી પરવારી હોય એવી એક હૃદયદ્રાવક ઘટના બની છે. જેમાં ૧૨થી ૧૪ વર્ષની વચ્ચેનાં ઝારખંડના કિશોરે ઘરકામ કરવાના મુદ્દે રહસ્યમય રીતે ગળેફાંસો ખાઇને આપઘાત કરી લીધો છે. આ કિશોરની ઉંમર નાની હોવા છતાં ફરિયાદમાં ૧૯ વર્ષની બતાવી છે. આ કિસ્સાની વિગત એવી છે કે નરેશ સિન્ધી પત્ની દીપાબહેન અને બે પુત્રો સાથે એલીગન્સ એપાર્ટમેન્ટમાં રહે છે. પરિવારમાં અન્ય બે પુત્રો છે. એક દિકરો દુબઈમાં છે. જ્યારે બીજો દિકરો સાહિલ તેમની સાથે જ રહે છે. નરેશભાઈ કાલુપુરમાં કાપડનો હોલસેલનો બિઝનેસ કરે છે. ૧લી ડિસેમ્બરે નરેશભાઈ અને તેમના પત્ની ઉદેપુર ગયા હતા. જ્યારે પુત્ર સાહિલ દુકાને ગયો હતો. આ પરિવારે ઘરના કામકાજ માટે લક્ષ્મણ ઉર્ફે છોટુને પોતાને ત્યાં રાખ્યો છે. છોટું છેલ્લા દોઢ વર્ષથી અહીં નોકરી કરતો હતો. ૧લી ફેબુ્રઆરીએ માલિક નરેશભાઈનો ડ્રાઈવર કોઈ કામથી ઘરે ગયો હતો. પરંતુ દરવાજો અંદરથી બંધ હતો. પ્રયત્નો કરવા છતા દરવાજો નહીં ખુલતાં ડ્રાઈવરે ફોન કરતા સાહિલ ઘરે આવ્યો હતો. તેમણે પોતાની પાસે રહેલી બીજી ચાવીથી દરવાજો ખોલતા અંદર છોટુ દુપટ્ટાથી લટકેલો જોવા મળ્યો હતો. આથી તુરંત જ આ ઘટનાની જાણ કરતા પોલીસની ટીમ આવી ગઈ હતી. પોલીસે છોટુના મૃતદેહને પોસ્ટમોર્ટમ માટે વી.એસ.હોસ્પિટલમાં મોકલી આપ્યો હતો. દરમિયાનમાં ઘરકામ કરતા એક કિશોરને ગળેફાંસો ખાવાની ફરજ કેમ પડી તે તપાસનો વિષય છે.

(5:18 pm IST)
  • બાબા અમરનાથના ભક્તો માટે ખુશખબર : ૨૮ જૂનથી શરૂ થનારી વાર્ષિક અમરનાથ તીર્થ યાત્રા માટે એડ્વાન્સ રજિસ્ટ્રેશન ૧લી માર્ચથી શરૂ થશે : દેશભરમાં પંજાબ નેશનલ બેન્ક, જમ્મુ- કાશ્મીર બેન્ક, યશ બેન્કની ૪૩૦ શાખામાં અમરનાથ યાત્રાનું રજિસ્ટ્રેશન ૧લી માર્ચથી શરૂ થઈ જશે. access_time 3:04 pm IST

  • અમદાવાદમાં અધિક મદદનીશ ઈજનેર ૫૦ હજારની લાંચ લેતા ઝડપાયા : ધોળકા તાલુકા પંચાયતના અધિક મદદનીશ એન્જીનિયર વિકાસ કામના બીલ મંજૂર કરવા લાંચ લેતા ઝડપાયા : એસીબીએ ટ્રેપ ગોઠવી અને ઝડપી લીધા access_time 5:54 pm IST

  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST