Gujarati News

નવી દિલ્હીઃ ટોકયો ઓલિમ્પિકસની ભાલાફેંકની સ્પર્ધામાં ઐતિહાસિક ગોલ્ડ મેડલ જીતનાર નીરજ ચોપડા શનિવાર ૪ ડિસેમ્બરે અમદાવાદ જશે અને સંસ્કારધામ સ્કૂલની મુલાકાત લઈને સંતુલિત ડાયટ તેમ જ ફિટનેસ અને સ્પોર્ટ્સ વિશે જાગરૂકતા લાવવા માટેનું વડાપ્રધાન નરેન્દ્રભાઈ મોદીનું મિશન લોન્ચ કરશે.

નરેન્દ્રભાઈએ દિલ્હીમાં પોતાના નિવાસસ્થાને ઓલિમ્પિયનો તેમ જ પેરાલિમ્પિયનોને વિનંતી કરી હતી કે વર્ષ ૨૦૨૩ના સ્વાતંત્ર્ય દિન સુધીમાં તમે દરેક ૭૫ સ્કૂલોની મુલાકાત લઈને કુપોષણ સંબંધમાં જાગૃતિ લાવીને એનો ફેલાવો કરજો તેમ જ સ્કૂલનાં બાળકો સાથે કોઈપણ એક રમત રમીને તેમનો આત્મવિશ્વાસ વધારજો.