Gujarati News

Gujarati News

News of Wednesday, 2nd December 2020

ગાંધીનગર જિલ્લાના દહેગામ તાલુકામાં ઝાંક જીઆઈડીસીમાં બપોરના સમયે અજાણી મહિલાની ભેદિસંજોગોમાં લાશ મળી આવતા ચકચાર

દહેગામ:તાલુકાના ઝાંક જીઆઈડીસીમાં બાપા સીતારામ વેબ્રીજ પાછળ ગઈકાલે એક ૪૦ વર્ષના અરસાની મહિલા ગંભીર ઘાયલ અવસ્થામાં મળી આવતાં તેને તાત્કાલિક સારવાર માટે અમદાવાદ સિવિલ હોસ્પિટલ ખસેડવામાં આવી હતી. જયાં મહિલાની સારવાર શરૂ કરવામાં આવી હતી પરંતુ સારવાર દરમ્યાન આ મહિલાનું મોત નીપજયું હતું. જેથી આ ઘટના અંગે દહેગામ પોલીસને જાણ કરાતાં પોલીસ અમદાવાદ સિવિલ હોસ્પિટલ પહોંચી હતી અને તપાસ કરતાં મહિલાના માથાના ભાગે સાતેક જેટલા ઘા મળી આવ્યા હતા. જેથી કોઈ ઈસમોએ તિક્ષ્ણ હથિયાર ઝીંકીને તેની હત્યા કરી હોવાનું બહાર આવ્યું હતું. શરીરે કથ્થાઈ રંગની બોર્ડરવાળી સાડી, કથ્થાઈ બોર્ડરવાળો બ્લાઉઝ અને ગુલાબી રંગનો ચણીયો પહેરેલી આ અજાણી મહિલાની ઓળખ માટે દહેગામ પોલીસે દોડધામ શરૂ કરી છે અને સોશ્યલ મીડીયા ઉપરાંત આસપાસના વિસ્તારોમાં તેનો ફોટો ફરતો કરવામાં આવ્યો છે જેથી કરીને તેની ઓળખ થાય તો પોલીસ હત્યારાઓ સુધી પહોંચી શકે. પોલીસે જીઆઈડીસી વિસ્તારમાં પણ આવેલા વિવિધ એકમોમાં મહિલાની ઓળખ માટે તપાસ શરૂ કરી છે પરંતુ હજુ સુધી મહિલા સંદર્ભે પોલીસને કોઈ કડી મળી આવી નથી. 

(5:13 pm IST)
  • હરિયાણા પૂર્વ મુખ્યમંત્રી ઓ પી ચૌટાલા ને કોરોના પોઝિટિવ આવતા તેમને દિલ્હી-ગુડગાવની મેંદાંતા હોસ્પિટલમાં દાખલ કરવામાં આવ્યા છે access_time 12:04 am IST

  • રાજકોટમાં ડુપ્લીકેટ નોટ છાપવાના મશીન સાથે સાગર ઝડપાયોઃ રૈયા રોડ પાસે શાંતિનિકેતન પાર્ક સોસાયટીમાં સદગુરૂ કોમ્પલેક્ષમાં બી વિંગમાં અત્યારે સાગર નામનો માણસ ડુપ્લીકેટ નોટ છાપવાના મશીન સાથે પકડાયો છેઃ ઍસ.ઓ.જી પોલીસ સ્થળ પર પહોંચી ગઇ છે access_time 4:57 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST