Gujarati News

વડોદરા: શહેરની એમ.એસ.યુનિવર્સિટીના સંખ્યાબંધ વિદ્યાર્થીઓ સાથે ગરબા પાસના નામે છેતરપિંડી થઈ  હોવાની વિગતો સપાટી પર આવી છે.આ વિદ્યાર્થીઓના પાસના લગભગ ૬ લાખ રુપિયા લઈને લેભાગુ વ્યક્તિ ગાયબ થઈ ગયો છે અને બીજી તરફ વિદ્યાર્થીઓ પાસ વગર રહી ગયા છે.છેતરપિંડીનો ભોગ બનનારા મોટાભાગના વિદ્યાર્થીઓ કોમર્સ ફેકલ્ટીના છે.

મળતી વિગતો પ્રમાણે કોમર્સ ફેકલ્ટીના જ એક વિદ્યાર્થી નેતાને કોઈએ કહ્યુ હતુ કે , નવલખી મેદાન પર યોજાતા પેલેસ હેરિટેજ ગરબાના પાસ સસ્તામાં મળે તેમ છે.જયેશે એ પછી પોતાના ગૂ્રપના વિદ્યાર્થીઓએ પાસ અંગે વાત કરી હતી.વિદ્યાર્થીઓએ લગભગ ૧.૧૪ લાખ રુપિયા ઉઘરાવીને શિવરાજને નામના વ્યક્તિને આપ્યા  હતા.શિવરાજે આ રકમ  વિકી ઉર્ફે અરબાઝ નામના વ્યક્તિને આપી હતી.