Gujarati News

નડિયાદ: અમદાવાદ રેલવે લાઈન કનીજ સ્ટેશનના પ્લેટફોર્મ નં. ૫ ના ઉત્તરે છેડાથી રેલવે કોલોની જવાના આરસીસી રોડ ઉપર આજે સવારે સાત વાગ્યા પહેલા કોઈપણ ટ્રેનમાંથી પડી ગયેલ અજાણ્યા મુસાફરનું માથામાં ગંભીર ઈજા થતા મોત નીપજ્યું હતું.
આ અજાણ્યા યુવાન ૨૫ વર્ષના આશરાનો, પાતળા બાંધાનો, જમણા હાથના અંગુઠા ઉપર મા તેમજ હાથ ઉપર અંગ્રેજીમાં એમ એ એસ કોતરાવેલ છે. આ ઈસમે શરીર ઉપર ભૂરું ટી-શર્ટ તેમજ પીળા કલરનું પેન્ટ, પગમાં કાળા મોજાં તેમજ કેનવાસના બુટ પહેરેલ છે. આ અજાણ્યા યુવાનની ઓળખ થઈ નથી. આ બનાવ અંગે નડિયાદ રેલવે પોલીસે અકસ્માત મોતની નોંધ દાખલ કરીને તપાસ હાથ ઘરી છે.