Gujarati News

Gujarati News

News of Saturday, 1st August 2020

કલોલ:જાસપુર નર્મદા કેનાલમાંથી યુવાનનો મૃતદેહ મળી આવતા પોલીસે અકસ્માતે મોતની નોંધ કરી વધુ તપાસ હાથ ધરી

કલોલ:જાસપુર નર્મદા કેનાલમાંથી એક યુવાનનો મૃતદેહ મળી આવ્યો હતો. માનસિક બીમારીથી તંગ આવીને યુવકે આપઘાત કર્યો હોવાનું પોલીસ તપાસમાં બહાર આવ્યું હતું. સાંતેજ પોલીસે આ ઘટના અંગે અકસ્માત મોતની નોંધ કરી વધુ તપાસ હાથ ધરી છે.

ગાંધીનગરના સુઘડ ગામ ખાતે આવેલા ફાર્મ હાઉસમાં રહેતો ૪૫ વર્ષિય રાયમલ ગણેશભાઇ રબારી ૨૯ જુલાઇની સવારે કુદરતી હાજતે જવાનું કહી ચાલી નીકળ્યો હતો. ત્યારે મોડી સાંજ સુધી તે પરત નહીં ફરતા પરિવારજનોએ તેની શોધખોળ શરૂ કરી હતી. આ દરમિયાન જાસપુર નર્મદા કેનાલમાંથી ગઇકાલે તેનો મૃતદેહ મળી આવ્યો હતો. 

યુવકની શોધખોળ કરતા મૃતક યુવાનના બનેવીએ આ ઘટનાની જાણ સાંતેજ પોલીસને કરતા પોલીસ સ્થળ પર દોડી આવી હતી અને યુવકના મૃતદેહને કેનાલમાંથી બહાર કઢાવી કલોલના સામૂહિક આરોગ્ય કેન્દ્રમાં મૃતદેહનું પોસ્ટમોર્ટમ કરાવી લાશનો કબ્જો તેના વાલી વારસોને સોંપ્યો હતો અને આ ઘટના અંગે અકસ્માત મોતની નોંધ કરી હતી. 

(5:22 pm IST)
  • એક સમયે ગુનેહગારોના હાજા ગગળાવતા કર્મઠ રિટાયર્ડ પોલીસ અધિકારી શ્રી સુખદેવસિંહજી ઝાલા, પોતાનું નિવૃતિ જીવન ગાયત્રી પરિવારના નિર્મળ સન્યાસી તરીકે વ્યતીત કરી રહ્યા છે. access_time 4:42 pm IST

  • ગાંધીનગર બેઠકના સાંસદ અને ધારાસભ્ય કોરોનાની ઝપેટમાં: યોગાનુયોગ ગાંધીનગરના કોંગ્રેસના ધારાસભ્ય સી.જે.ચાવડા અને ગાંધીનગર સાંસદ ગૃહમંત્રી અમિતભાઇ શાહનો કોરોના રિપોર્ટ પોઝીટીવ : બંને જન પ્રતિનિધિ એક જ દિવસે કોરોના સંક્રમિત access_time 12:41 am IST

  • દેવભૂમિ દ્વારકા જિલ્લાના પોલીસ વડા રોહન આનંદની બદલી,:નવા DSP તરીકે 2010 બેચના સુનીલ જોશીની નિમણુક access_time 12:53 am IST