Gujarati News

Gujarati News

News of Saturday, 1st August 2020

રક્ષાબંધન પર પણ મંદીનો માર

મીઠાઇ અને રાખડીની માંગમાં જોરદાર ઘટાડો : કુરીયરમાં પણ પ૦ ટકાથી વધુ ઘટાડો

અમદાવાદ, તા., ૧: કોરોનાનું ગ્રહણ ભાઈ-બહેનના  પવિત્ર તહેવાર રક્ષાબંધનને પણ લાગ્યું  છે. તહેવારને માંડ ગણતરીના દિવસો  બાકી રહ્યા છે ત્યારે બજારમાં રાખડીનું  માત્ર ૩૦ ટકા જેટલું વેચાણ થયું  હોવાનું વેપારીઓ જણાવી રહ્યા છે.  રાખડીના કુંરિયરમાં પણ ૫૦ ટકાથી    વધુ ઘટાડો જોવા મળ્યો છે. બજારમાં  રાખડી, મીઠાઈ, સોના-ચાંદીની રાખડી,    ભાભી ને નણંદ તરફથી પહેરાવાતા  લુમ્બા વગેરેની માંગ જાણે સાવ ઘટી  ગઈ છે. બજાર સૂમસામ છે, ખરીદી  ફીકી છે. સોના સાથે ચાંદી અને  ડાયમંડની રાખડીનું વેચાણ પણ આ  વર્ષે નહિવત્  છે. સોના-ચાંદીના ભાવ  આસમાને છે, તેને લઈ લોકોએ ખરીદી  બંધ રાખી છે.    તહેવારમાં સોના-ચાંદીની રાખડી  સાથે રોકાણ કરવા માટે આવી વસ્તુની  ખરીદી કરતા હોય છે. જવેલર્સ દ્વારા    દ્વારા ૫૦૦ રૂપિયાથી લઇને ૧ લાખ  સુધીની આવી રાખડી બનાવાઈ છે.  આ વર્ષે થાબડી, પેંડા, કાજુકતરી  સહિતની મીઠાઈની માંગમાં પણ ૫૦  ટકા જેટલો ઘટાડો થયો છે.    શહેરમાં ગત રક્ષાબંધને ૫ લાખ  કિલોથી વધુ મીઠાઈ બની હતી, જેઆ  વર્ષે ઘટીને ૨ લાખ કિલોનો અંદાજ છે,  જેનું કારણ ભાઈનું મોં મીઠું કરાવવા  માટે બહેનો હોમ મેડ મીઠાઈ-ચોકલેટ  ૫ર પોતાની પસંદગી ઉતારી રહી છે.  કોરોનામાં શરદી-ઉધરસ ના થાય તે  માટે લોકો મીઠાઈ ખાવાનું ટાળી રહ્યા  છે. બજારમાં આયુર્વેદિક મીઠાઈનો ટ્રેન્ડ  શરૂ થયો છે.    દર વર્ષે બહેનો તરફથી બીજાં  રાજયમાં મીઠાઈ અને રાખડી મોકલવા  માટેના ઓર્ડર એક સપ્તાહ પહેલાં જ  નોંધાઈ જતા હોય છે. તેના બદલે આ  વખતે ઓર્ડર નથી. શહેરોમાં મહત્તમ  કન્ટેન્મેન્ટ વિસ્તાર હોવાથી કુરિયર  પહોંચી ન શકતાં બહેનોએ ખરીદી  કરવાનું ટાળ્યું છે. રક્ષાબંધને શહેરમાં  ૨૦ કરોડથી વધુ વેપાર થાય છે.

(3:50 pm IST)
  • ટીક-ટોક એપ મામલે ચીન ચારે બાજુથી ઘેરાયું : હવે ઓસ્ટ્રેલિયા પણ પ્રતિબંધ મુકવાની તૈયારીમાં : જાપાનમાં પણ તપાસ ચાલુ : ભારતમાં ચીનની 106 એપ ઉપર પ્રતિબંધ મુકાઈ ગયેલો જ છે access_time 8:26 pm IST

  • રાજ્યના શિક્ષણમંત્રી ભૂપેન્દ્રસિંહ ચુડાસમા ભગવાન દ્ધારકાધિશના દશઁન કરી શિશ જુકાવી અને કોરોના માથી વિશ્ર્વ મુક્ત થાય તે માટે પ્રાથના કરી access_time 10:44 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST