Gujarati News

Gujarati News

News of Saturday, 1st August 2020

નર્મદા :કલીમકવાણા ગામની સીમમા બહેન વિરુદ્ધ ખરાબ શબ્દો બોલનાર વ્યક્તિની ભાઈ એ હત્યા કરતા ચકચાર

પોતાની બહેન વિરુદ્ધ ખરાબ વાતો કરતા શખ્સને લોખંડનો જેક માથા મારી મોતને ઘાટ ઉતાર્યો

(ભરત શાહ દ્વારા) રાજપીપળા : રાજપીપળા નજીકના કલીમકવાણા ગામની સીમ માં એક મજૂર બીજા મજૂર ની બહેન બાબતે ખરાબ શબ્દો બોલતા ભાઈ એ તેની હત્યા કરતાં રાજપીપળા પોલીસે હત્યા નો ગુનો નોંધી કાયદેસર કાર્યવાહી હાથ ધરી છે.
  હત્યા બાબતે ફરિયાદ આપનાર ઉમંગસિંહ છત્રસિંહ ગોહીલ રહે,ગોપાલપુરા ઠાકોર ફળિયું તા. નાદોદ .જી.નર્મદા એ આપેલી ફરિયાદ મુજબ મરનાર નિલેશભાઈ ઉર્ફે દિવેલ શાંતીલાલ તડવી તથા કિશનભાઈ કમલેશભાઈ જોષી ( સલાટ )ફરીયાદીના કલીમકવાણા ગામના ફાર્મ હાઉસ ઉપર રહેતા હોય, મરનાર દ્વારા આરોપીની બહેન વિશે ખરાબ ખરાબ વાતો કરતો હોવાથી મરનાર નિલેશ સાથે આરોપી કિશન વચ્ચે ગઈકાલે ઝગડો થયેલો જેની રીસ રાખી આરોપીએ રાતના દશેક વાગ્યાના અરસામાં જનરેટના લોખંડના જેકથી મરનારને માંથામાં માર મારી જીવલેણ ઈજા કરતા તેનું મોત નીપજ્યું હતું.
રાજપીપળા પોલીસે હત્યા કરનાર કિશન કમલેશભાઇ જોષી ( સલાટ ) વિરુદ્ધ હત્યા નો ગુનો દાખલ કરી તપાસ હાથ ધરી છે.તપાસ ટાઉન પીઆઇ આર.એન.રાઠવા કરી રહયા છે.

(11:08 am IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • ગાંધીનગર બેઠકના સાંસદ અને ધારાસભ્ય કોરોનાની ઝપેટમાં: યોગાનુયોગ ગાંધીનગરના કોંગ્રેસના ધારાસભ્ય સી.જે.ચાવડા અને ગાંધીનગર સાંસદ ગૃહમંત્રી અમિતભાઇ શાહનો કોરોના રિપોર્ટ પોઝીટીવ : બંને જન પ્રતિનિધિ એક જ દિવસે કોરોના સંક્રમિત access_time 12:41 am IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST