Gujarati News

Gujarati News

News of Wednesday, 2nd May 2018

મુંબઈથી ઉદેપુર કાપડ ભરી જતી ટ્રક ગાજણ ટોલ પ્લાઝા પાસે સળગી ઉઠતા અફડાતફડી

ગાજણ:મુંબઈથી ઉદેપુર કાપડ ભરી જતી ટ્રક ગાજણ ટોલ પ્લાઝા નજીક રાત્રીના સમયે ભડભડ સળગી ઉઠતાં જ દોડધામ મચી હતી. અને ટ્રકમાં આગથી માર્ગની બંને તરફ ચકકાજામ સર્જાયો હતો. મોડાસાથી પ કીમી.દુર આવેલા ટોલ પ્લાજા એથી ગત સોમવારની રાત્રીના આઠ કલાકે માલ સામાન ભરેલ ટ્રક પસાર થઈ રહી હતી. જરુરી ટોલટેક્ષ ચુકવી આ ટ્રકનો ચાલક ટ્રક લઈ થોડેક અંતરે ગયો હતો.. ત્યારે જ આ ટ્રકમાં અગમ્ય કારણોસર આગભભૂકી ઉઠી હતી. અને જોત જોતામાં ભયંકર આગની જવાળાઓમાં કાપડ ભરેલી ટ્રક લપેટાઈ જતાં જ જાહેર માર્ગ ઉપર દોડધામ મચી હતી. માર્ગ ઉપર ભડભડ સળગી રહેલ ટ્રકના કારણે માર્ગની બંને તરફ વાહનોની લાંબી કતારો જામી જતાં ચકકાજામની સ્થિતિ સર્જાઈ હતી. આ ઘટના ટોલ નાકાથી દુર સર્જાતાં અને ટ્રકનો ચાલક અને કલીનર પરિસ્થિતિ પારખી દોડી જતાં સદનસીબે જાનહાની અને મોટી હોનારત ટળી હતી.ફાયર ફાઈટર દ્વારા માંડે માંડે આગ ઉપર કાબૂ મેળવાયો હતો.
 

(5:34 pm IST)