Gujarati News

અમદાવાદ : રામનવમીના પુનિત પર્વે બપોરે ૧ર કલાકે એસ.જી.વી.પી. ગુરૂકુલમાં બિરાજીત શ્રી રામ, શ્યામ અને ઘનશ્યામ મહારાજનું ષોડશોપૂજન કર્યા બાદ સ્વામી માધવપ્રિયદાસજી સ્વામીએ આરતી ઉતારી હતી.

આરતી ઉતાર્યા બાદ સ્વામીજીએ જણાવ્યું હતું કે ભારતની ભૂમિ ભાગ્યશાળી છે. અહીં માત્ર સંતો જ નથી અવતરતા, અહીં સંતો જેની આરાધના કરે છે એ નારાયણ પણ વિવિધ રૂપે અવતરે છે.

ભગવાન શ્રી રામ ધર્માવતાર છે. કરૂણાવતાર છે. પ્રેમાવતાર છે અને શરણાગત વત્સલ છે. ભગવાન રામનું હૃદય કમળથી પણ કોમળ છે. સાથે સાથે ભગવાનશ્રી રામનું હૃદય વજ્રથી પણ કઠોર છે. આવા ભગવાન રામના કરૂણામય સ્વાભાવને યાદ કરી જરૂરીયાતમંદોની સેવા કરવામાં આવતી હોવાનું જણાવ્યું હતું.