Gujarati News

Gujarati News

News of Tuesday, 1st December 2020

સુરતના ઉઘના વિસ્તારમાં રીક્ષા ચાલકના ઘરને નિશાન બનાવી તસ્કરોએ 1.89 લાખના દાગીનાની ઉઠાંતરી કરી

સુરત: શહેરના ઉધના વિસ્તારમાં રહેતા રીક્ષાચાલક ભાઈના પુત્રના લગ્નમાં હાજરી આપવા સપરિવાર વતન મહારાષ્ટ્ર ગયા હતા ત્યારે તસ્કરો મુખ્ય દરવાજાનું તાળું તોડી પતરાના કબાટમાંથી રૂ.1.88 લાખના 47 ગ્રામ સોનાના દાગીના અને રૂ.1200 ના ચાંદીના દાગીના મળી કુલ રૂ.1.89 લાખની મત્તા ચોરી ફરાર થઈ ગયા હતા.

પોલીસ સૂત્રો દ્વારા પ્રાપ્ત થતી વિગતો મુજબ મૂળ મહારાષ્ટ્રના વતની અને સુરતમાં ઉધના બીઆરસી ગાંધીકુટીર મકાન નં.224 માં રહેતા 49 વર્ષીય રીક્ષાચાલક છોટુભાઈ ઓમકાર પવારના વતન મહારાષ્ટ્રના ધુલીયાના શીંદખેડાના અમળથે ગામમાં રહેતા ભાઈના પુત્રના લગ્ન હોય તેમનો પુત્ર વિલાસ, તેની પત્ની વૈશાલી, પૌત્રી ભાવિકા ગત 18 નવેમ્બરે ત્યાં ગયા હતા જયારે છોટુભાઈ પત્ની શોભાબેન સાથે ગત 23 નવેમ્બરે ત્યાં ગયા હતા. 

દરમિયાન, ગત સવારે છોટુભાઈ ત્યાં હાજર હતા ત્યારે પાડોશી મિત્ર સંતોષ મહાજને ફોન કરી જાણ કરી હતી કે ઘરનું તાળું તૂટેલું છે. આથી છોટુભાઈએ ઉધના વિનાયકનગરમાં રહેતા જમાઈ અનિલ બોરસેને ઘરે જઈ તપાસ કરવા કહેતા તે ઘરે પહોંચ્યા તો મુખ્ય દરવાજાનું તાળું તૂટેલું હતું અને અંદર સામાન વેરવિખેર હતો.

(5:44 pm IST)
  • એસપી દેવભૂમિ દ્વારકાનો ચાર્જ અચાનક વિશાલ કુમાર વાઘેલા ( એસપી આઈબી ગાંધીનગર ) ને સોંપાયો છે access_time 11:26 pm IST

  • રાજય સરકારે પણ કોરોનાના ટેસ્ટના ભાવોમાં કર્યો ઘટાડો : હવે ખાનગી લેબમાં રૂ.૮૦૦માં RTPCR ટેસ્ટ થશે, ઘર બેઠા રૂ.૧૧૦૦માં થશે RTPCR ટેસ્ટ : અગાઉ લેબોરેટરીમાં રૂ.૧૫૦૦ અને ઘરબેઠા રૂ.૨૦૦૦માં કરવામાં આવતા હતા આ ટેસ્ટ access_time 1:28 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST