Gujarati News

Gujarati News

News of Tuesday, 1st December 2020

વડોદરામાં શોર્ટ સર્કિટથી ગાદલાની દુકાનમાં આગ ભભૂકીઃ દુકાનદાર દાઝી જતા સારવારમાં

વડોદરા : શહેરના સમતા વિસ્તારમાં આવેલ ગાદલાની દુકાનમાં અચાનક આગ લાગતા અફડાતફડી મચી જવા પામી હતી. આગની જાણ થતા જ ફાયર બ્રિગેડની ટીમ તાત્કાલીક ઘટના સ્થળે પહોંચી ગઇ હતી. આગ પર કાબુ મેળવી લીધો હતો. ગાદલાની દુકાનના માલિકને દાઝી જવાથી નાની મોટી ઇજાઓ પહોંચી હતી. 

વડોદરાના સમતા વિસ્તારમાં બાલાજી નગર પાસે આવેલી આંબલીયા નામની ગાદલાની દુકાન અચાનક આગ ફાટી નીકળતા નાસભાગ થઇ ગઇ હતી. આગ જોતજોતામાં વિકરાળ થઇ જતા આગે વિકરાળ સ્વરૂપ ધારણ કરતા બુજામાં આવેલા ફોટો સ્ટુડિયો અને અનાજ કરિયાણાની દુકાન પણ આગની ઝપટે ચડી ગઇ હતી. આગ પર પાણીનો મારો કરીને કાબુ મેળવાયો હતો. 

બનાવના પગલે પોલીસ પણ ઘટના સ્થળે દોડી આવી હતી. આ આગની ઘટનામાં ગાદલાની દુકાનના માલિક ઐયુબખાન અજમેરીનું દાઝી જવાથી ઇજાઓ પહોંચી હતી.  પ્રાથમિક તારણમાં શોર્ટ સર્કિટના કારણે આગ લાગી હોવાનું સામે આવ્યું છે. આ અંગે ફાયર ઓફીસરે વધારે માહિતી આફી હતી. અત્રે ઉલ્લેખનીય છે કે આગના પગલે દુકાનમાં રહેલા તમામ ગાદલા સળગીને ખાક થઇ ગયા હતા. આ ઉપરાંત આજુબાજુની દુકાનમાં પણ આગની જ્વાળાઓ લાગતા હજારો રૂપિયા થવા પામ્યું છે. 

(5:32 pm IST)
  • મોડર્ના વેકસીન ગંભીર કોરોના દર્દી ઉપર ૧૦૦ ટકા સફળ રહી : મોડર્ના વેકસીન ૧૦૦ટકા સફળઃ અમેરિકન કંપની મોડર્નાની કોરોના વાયરસ રસી ગંભીર કોરોના વાયરસ ચેપ સામે ૧૦૦ટકાની અસરકારકતા દર્શાવતી હોવાનું જાહેર થયું છેઃ કોરોના વેકસીનની અસરકારકતા અંગે નીચે મુજબ આંક પ્રસિધ્ધ થયો છેઃ રશીયાની સ્પુટનીક વેકસીન ૯૫ ટકાથી વધુ * અમેરિકન ફાઈઝર / બાયોએનટેક કંપનીની વેકસીન ૯૫ ટકા અસરકારક રહી છે. * અમેરિકાની મોડર્ના કંપનીની વેકસીન ૯૪ ટકા સફળ, જયારે કોરોનાના ક્રીટીકલ કેસમાં ૧૦૦ ટકા સફળ * ઓકસફર્ડ / અસ્ટ્રાજેનેક ૯૦ ટકા સુધી સફળ રહ્યાનો દાવો થાય છે access_time 2:42 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • બોલીવુડ અભિનેતા અને ગુરદાસપુરના ભાજપના સાંસદ સની દેઓલનો હિમાચલ પ્રદેશના કુલ્લુ જિલ્લામાં કોરોના પોઝિટિવ રિપોર્ટ આવ્યો છે : રાજ્ય આરોગ્ય સચિવ : સની દેઓલ છેલ્લા મહિનાથી હિમાચલ પ્રદેશમાં હતો access_time 12:04 am IST