Gujarati News

લાખણી તાલુકામાં ડેન્ગ્યુએ કહેર વર્તાવ્યો છે જસરાના યુવક બાદ મડાલ ગામની યુવતીનો પણ ભોગ લેવાતા ગ્રામજનોમાં દહેશતનો માહોલ છવાયો છે. લાખણી તાલુકામાં શિયાળાના આરંભે પણ ડેન્ગ્યુનો ઉપદ્રવ હદ વટાવી ગયો છે. બે દિવસ અગાઉ જસરા ગામના ૨૩ વર્ષીય નરસીભાઈ દેસાઈનું ડેન્ગ્યુના કારણે મોત નીપજ્યું હતું જેની તાલુકાવાસીઓને હજુ કળ વળી નથી ત્યાં વધુ એક યુવતીનું મોત થવા પામ્યુ છે

   મળતી વિગતો મુજબ ગેળા ગામના ચૌધરી ગણેશભાઈ સવાજી (આરડી)ની ૨૨ વર્ષની પુત્રી વિમુબેનને મડાલ ગામે જયરામભાઈ તરક (ચૌધરી) સાથે પરણાવેલી હતી જેને સામાન્ય તાવના લક્ષણો જણાતા સ્થાનિક દવાખાને સારવાર અપાવી હતી તેમ છતાં ડેન્ગ્યુના કારણે ફરક ન પડતા તેણીને પાટણ ખસેડી હતી ત્યાં પણ તબિયત ઉત્તરોતર બગડતા વધુ સારવાર અર્થે અમદાવાદ ની ર્સ્ટલિંગ હોસ્પિટલમાં લઈ જવાઈ હતી પરંતુ સારવાર દરમ્યાન ડેન્ગ્યુ ફિવરના કારણે તેણીનું અકાળે મોત નીપજયું હતું.