Gujarati News

Gujarati News

News of Saturday, 31st October 2020

દિવાળી સમયે બ્રાન્ડેડ વસ્તુના નામે ડુપ્લીકેટ વસ્તુ વેચનાર 12 લોકોની ધરપકડ : 1,22 કરોડથી વધુનો મુદામાલ જપ્ત

સુરતના મોટા વરાછા વિસ્તારમાં ગાંધીનગર સીઆઇડી ક્રાઇમ દ્વારા દરોડા: કુલ 12 જેટલા વેપારીઓએ ભાગીદારીમાં માલ મંગાવ્યો હતો

 સુરત : શહેરના મોટા વરાછા વિસ્તારમાં સીઆઇડી ક્રાઇમ દ્વારા દરોડા પાડીને બ્રાન્ડેડ કંપનીના નામે ડુપ્લીકેટ પ્રોડક્ટ વેચનારા વેપારીઓની ધરપકડ કરાઈ છે  બ્રાન્ડેડ કંપનીનાં ટી શર્ટ, ટ્રેક તથા શોર્ટ સુરતમાં વેપારીઓને લાવીને લોકોને વેચી રહ્યા છે. ત્યારે પોલીસે દરોડા પાડીને 1.22 કરોડનો મુદ્દામાલ ઝડપી પાડ્યો છે. જે સ્થળેથી માલ પકડાયો છે તેમાં કુલ 12 જેટલા વેપારીઓએ ભાગીદારીમાં માલ મંગાવ્યો હોવાનું પ્રાથમિક તપાસમાં ખુલ્યું છે. પોલીસે તમામ વિરુદ્ધ ગુનો નોંધીને તપાસ ચાલુ કરી છે.

સુરતમાં દિવાળી આવતાની સાથે જ બ્રાન્ડેડ સામાનની માંગ વધતા વેપારીઓ રોકડી કરવા માટે નકલી સામાન વેચીને મોટો નફો રળવાના ચસ્કે ચડ્યા છે. સુરતના કતારગામ વિસ્તારમાં રહેતા તથા મોટા વરાછા તાપી આર્કેડમાં ત્રીજા માળે એક દુકાન ધરાવે છે. અહીં મોટા પ્રમાણમાં આ પ્રોડક્ટ મળી આવી હોવાનું સામે આવ્યું છે. તેલંગાણા રાજ્યનાં તીરપુર ખાતે એડીડાસ, રીબોક, લિવાઇઝ, સી.કે જેવી મોંઘી બ્રાન્ડના લોગો તથા ડિઝાઇન તથા પેકિંગ ધરાવતા કપડાઓ મળી આવ્યા છે.

આ અંગે માહિતી મળતાની સાથે જ ગાંધીનગર સીઆઇડી ક્રાઇમની એક ટીમ સાથે દરોડો પાડ્યો હતો. આ ગોડાઉન એક બે નહી 11 ભાગીદારો મળી કુલ 12 જણાએ માલ મંગાવ્યો હતો. તમામ માલ જપ્ત કરીને જ્યારે તેની કિંમત આંકવામાં આવી તો તેની કિંમત 1 કરોડ કરતા પણ વધારે હોવાનું સામે આવ્યું હતું. આ ઉપરાંક રોકડ રકમ 11 લાખથી વધારે મળી આવી હતી. આ ઉપરાંત પેકિંગના અલગ અલગ સાધનો, લેપટોપ, કોમ્પ્યુટર અને મોબાઇલ સહિત કુલ 1,22,15,268 (એક કરોડ બાવીસ લાખ પંદર હજાર બસ્સોને અડસઠ) રૂપિયાનો મુદ્દામાલ મળી આવ્યો હતો. સ્થળ પરથી 12 લોકોને ઝડપી લેવાયા હતા.

(12:29 am IST)
  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST

  • દિલીપ ભાઈ તંતી ઉપર પાળ ખાતેની તેની વાડી ખાતે સોરઠીયા અટકધારી બાજુની વાડીવાળા આઠથી દસ શખ્શોએ તલવાર અને કુહાડી વડે હુમલો કરતા માથામાં ગંભીર ઇજા સાથે સ્ટર્લિંગ હોસ્પિટલ ખાતે ખસેડાયા છે access_time 10:26 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST