Gujarati News

અમદાવાદઃ ખંડણી ઉઘરાવનારા તત્ત્વોએ દિલ્હી અને હરિયાણા બાદ હવે ગુજરાતમાં સક્રિય થયાનો કિસ્સો બહાર આવ્યો છે અમદાવાદના પલક પટેલે આનંદનગર પોલીસ સ્ટેશનમાં ફરિયાદ નોંધાવી છે કે, દિલ્હીથી તેમને એક કોલ આવ્યો હતો. જેમાં વ્યક્તિએ પોતાની ઓળખ લસણના એક વેપારી તરીકે આપી હતી. દિલ્હીનો આ વેપારી પલક પટેલ સાથે સોદો કરવા માગે છે એવું ફોન પર જણાવ્યું હતું, માત્ર પલક પટેલ જ નહીં પણ ભાગીદાર આશિષ પટેલને પણ આ રીતે દિલ્હીથી ફોન આવ્યો હતો.
  આશિષનો ફોન કરીને જણાવ્યું હતું કે, દિલ્હીથી તે વેપારી લસણનો વેપાર કરવા માગે છે. લસણ હાલમાં સારું આવે છે તેથી તે સોદો નક્કી કરવા માગે છે. બે ટ્રકભરીને 28 કિલો લસણ મોકલવા માટે કહ્યું હતું. આ ઉપરાંત ફોન કરનારે એવું પણ જણાવ્યું હતું કે, તેમના ભાઇ એટલે કે પલક પટેલને કહેવાનું છે કે 5 લાખ એડવાન્સ પેમેન્ટ પેટે મોકલી આપે. જો તે એડવાન્સમાં પૈસા મોકલી આપશે તો તે પલટ  પટેલને છોડી દેશે. ફરિયાદને આધારે પટેલને 40,000 ડેબિટ કાર્ડથી ઉપાડી લેવા માટે પણ દબાણ કર્યું હતું
  આનંદનગર પોલીસે જણાવ્યું હતું કે, જ્યારે પલક દિલ્હી હતા ત્યારે તેમની પાસે પૈસા પૂરા થઇ ગયા હતા. આ સમયે તેમણે આશિષ પટેલને ફોન કરીને પોતાની સ્થિતિ કહી હતી. આશિષે પૈસાની વ્યવસ્થા કરી પરત ફરવાની સગવડ કરી આપી હતી. આ ગેંગ દિલ્હી અને હરિયાણાથી ઓપરેટ થાય છે

  આ પહેલા પણ ત્રણ ગુજરાતી વેપારીઓનું દિલ્હીથી અપહરણ થયું હતું જેની સામે પૈસાની માગ કરવામાં આવી હતી. આ માટે અમદાવાદ ક્રાઇમ બ્રાંચની પણ મદદ લેવામાં આવી હતી. જેથી કિડનેપરોના ફોન કોલ ટ્રેક કરી શકાય. આ ઉપરાંત દિલ્હી પોલીસને પણ આ અંગે જાણ કરવામાં આવી હતી.