Gujarati News

Gujarati News

News of Saturday, 1st August 2020

ગૌરક્ષાની આડમાં તોડબાજી :ગૌરક્ષક તરીકેની ઓળખ અપનારાએ 7 હજાર ના આપતા પોલીસ કેસ કર્યો હતો

તોડબાજી કરનારા બે ગૌરક્ષકો વિરૂદ્ધ ઓઢવ પોલીસ સ્ટેશનમાં ફરિયાદ

અમદાવાદઃ રાજ્યમાં ગૌરક્ષાનાં નામે પૈસા કમાવાના હેતુથી બની બેઠેલા  લેભાગુઓ ફરી રહ્યાં છે ઓઢવ પોલીસે આવા બે લેભાગુ તોડબાજ ગૌરક્ષકો (Gau Rakshak) વિરુદ્ધ ફરિયાદ નોંધી કાર્યવાહી કરી છે. ગાંધીનગર જિલ્લાના દહેગામ તાલુકાના બહિયલ ગામે રહેતાં મુકેશ ચંદુ સલાટ ટાટા 407 ચલાવી પોતાનું ગુજરાન ચલાવે છે. શુક્રવારે સવારે શરફુભાઈ નામના વ્યક્તિને કહેવાથી બહિયલ ગામથી તેમની ટાટા 407માં 7 પાડા ભરી પરોઢે 5 વાગ્યે જુહાપુરા જતા હતાં.

સોનીની ચાલી પાસે ગાડી પહોંચી તે સમયે રિંગરોડ સર્કલ તરફ કાર ચાલકે મુકેશભાઈને ટ્રક રોકવા કહ્યું હતું. ટ્રક રોકનાર બે વ્યક્તિએ ગૌ રક્ષક તરીકે પોતાની ઓળખ આપી મુકેશભાઈને પોલીસ કેસ ના થવા દેવો હોય તો રૂ. 7000 આપવા પડશે તેમ જણાવ્યું હતું. મુકેશભાઈએ રૂ. 200 આપતા બન્ને આરોપીએ પૈસા લઈ અપશબ્દો બોલી ધાકધમકી આપવાનું શરૂ કર્યું હતું. આરોપીઓએ 7 હજાર પુરાની માંગણી કરી પરંતુ મુકેશભાઈ પાસે પૈસા ન હોવાથી ઓઢવ પોલીસ બોલાવી બંનેએ કેસ કર્યો હતો.

મુકેશભાઈએ જામીન પર મુક્ત થઈ તોડબાજીની જાણ તેમના શેઠને કરી હતી. આ અંગે શેઠે ફરિયાદ કરવા જણાવ્યું હતું. આથી મુકેશભાઈએ ઓઢવ પોલીસ સ્ટેશનમાં અશોક જગદીશ મકવાણા રહે ભાવડા સોમનાથ સોસાયટી,ઓઢવ અને પ્રવીણ ખેમરાજ જયસ્વાલ રહે,મોહંમદ કસાઈની ચાલી,ઓઢવ જેઓની વિરુદ્ધ ફરિયાદ કરી હતી. પોલીસે આ અંગે ગુનો નોંધી તપાસ હાથ ધરી છે. આરોપીઓએ પૈસા માટે ડ્રાઈવર મુકેશભાઈને દોઢ કલાક સુધી ટોર્ચર કર્યા અને ધકધમકીઓ આપી હતી. જોકે મુકેશભાઈ પૈસા ના આપી શક્યા એટલે તેમની વિરુદ્ધ પોલીસ બોલાવી પ્રાણી ક્રૂરતા એકટ મુજબ ફરિયાદ કરી હતી.

(6:50 pm IST)
  • સાબરકાંઠા જિલ્લામાં કોરોનાનો કહેર યથાવત: જિલ્લામાં આજે વધુ ૧૧ કોરોના પોઝિટિવ કેસ નોંધાયા:હિંમતનગરમાં પાંચ,ઇડરમાં પાંચ અને તલોદમાં એક કોરોના પોઝિટિવ કેસ: જિલ્લામાં કોરોનાના કુલ કેસની સંખ્યા ૪૩૧ થઇ access_time 9:24 pm IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST

  • જામનગરના એસપી શરદ સિંઘલની સુરતમાં બદલી : જામનગરના નવા એસપી તરીકે શ્વેતા શ્રીમાળી નિયુક્ત access_time 12:45 am IST