Gujarati News

Gujarati News

News of Saturday, 1st August 2020

સુરતમાં માઈક્રો કન્ટેઈનમેન્ટ ઝોનમાં સિક્યુરિટી ગાર્ડનું માથું ફોડનાર ત્રણ મિત્રોની પોલીસે રંગે હાથે ધરપકડ કરી

સુરત:માઇક્રો કન્ટેઇનમેન્ટ ઝોન જાહેર કરવામાં આવેલા ઉગત-ભેંસાણ રોડ સ્થિત વીર સાવરકર હાઇટ્સના પ્રમુખની સૂચનાનું પાલન કરાવી બહારની વ્યક્તિને પ્રવેશ નહિ આપનાર સિક્યુરીટી ગાર્ડનું માથું ફોડી નાંખનાર 3 મિત્રોની પોલીસે ધરપકડ કરી છે.
કોરોના પોઝિટિવ કેસને ધ્યાનમાં લઇ ઉગત-ભેંસાણ રોડ સ્થિત વીર સાવરકર હાઇટ્સના કેમ્પસને માઇક્રો કન્ટેઇનમેન્ટ ઝોન જાહેર કરવામાં આવ્યું છે. જેથી વીર સાવરકર હાઇટ્સના પ્રમુખે જે કાર અને ટુ વ્હીલર પર કોમ્પ્લેક્ષના સ્ટીકર હોય તે જ વ્હીકલને પ્રવેશની પરવાનગી આપવા સિક્યુરીટી ગાર્ડને સૂચના આપી હતી. દરમ્યાનમાં બુધવારે રાત્રે મેઇન ગેટ પર સિક્યુરીટી ગાર્ડ તરીકે ફરજ બજાવી રહેલા વિપુલ દિનેશ પટેલ (ઉ.વ. 27 રહે. સતાધાર સોસાયટી, ઉગત-ભેંસાણ રોડ) અને જીગર રાવલે બાઇક નં. જીજે-05 પીએફ-2669 પર આવનાર ત્રણ યુવાનોને પ્રવેશ આપવાનો ઇન્કાર કર્યો હતો. પરંતુ બાઇક સવાર ત્રણેય મિત્રોએ વિપુલ અને જીગર સાથે ઝઘડો કરી વિપુલના માથું ફોડી નાંખ્યું હતું અને ભાગી ગયા હતા. આ ઘટનામાં રાંદેર પોલીસે બાઇકના રજીસ્ટ્રેશન નંબરના આધારે તપાસ હાથ ધરી રાજુ નાથુભાઇ સૂર્યવંશી (ઉ.વ. 23 રહે. એસએમસી આવાસ, સરસ્વતી સ્કુલ નજીક અડાજણ, રોહિત સંતોષ બોડરે (ઉ.વ. 19 રહે. એસએમસી આવાસ, હનીપાર્ક રોડ) અને રવિ કિશન કાપસે (ઉ.વ. 24 રહે. મફત નગર ખુલ્લા મેદાનમાં, લસકાણા) ને ઝડપી પાડી કાયદેસરની કાર્યવાહી હાથ ધરી છે.

(5:22 pm IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • સુરેન્દ્રનગર જિલ્લામાં વધુ ૨૯ કોરોના પોઝિટિવ કેસ નોંધાયા : સુરેન્દ્રનગર, જોરાવરનગર, રતનપર અને વઢવાણ શહેરી વિસ્તારો સહિત અલગ અલગ તાલુકાઓમાં વધુ ૨૯ વ્યક્તિઓને આવ્યો કોરોના પોઝિટિવ:તમામ દર્દીઓને સારવાર અર્થે હોસ્પિટલ ખસેડવામાં આવ્યા : જિલ્લાનો ફૂલ કોરોના પોઝિટિવ આંક 920 થયો access_time 10:23 pm IST

  • ઘરે રહો... સ્વસ્થ રહો.... : ખાનગી હોસ્પિટલોમાં કોરોના દર્દીઓની સ્થિતિનું આબાદ ચિત્રાંકન કરતું એક અદ્ભૂત કાર્ટૂન સોશ્યલ મિડીયામાં ધુમ મચાવી રહયું છે. access_time 12:55 pm IST