Gujarati News

Gujarati News

News of Saturday, 1st August 2020

મોડીરાત્રે સુરતના રોયલ રેસિડન્સીના 10મા માળે ફ્લેટમાં આગ: હાઈડ્રોલિકની મદદથી કાબૂમાં લેવાઈ

આગના કારણે તમામ ઘરવખરીનો સમાન બળીને ખાખ

સુરતના વેસુ વિસ્તારમાં મોડી રાત્રે એક ફ્લેટમાં આગ લાગવાનો બનાવ બન્યો હતો. જોત જોતામાં આગ એટલી વિકરાળ બની હતી કે, તેને કાબૂમાં લેવા માટે 5 ફાયર ફાઈટરની મદદ લેવામાં આવી હતી. હાઈડ્રોલિકની મદદથી માંડ આગ કાબૂમાં લેવાઈ હતી. પરંતુ આગને પગલે બિલ્ડીંગમાં રહેતા અન્ય લોકોમાં ફફડાટ ફેલાયો હતો.

સુરતના વેસુ વિસ્તારમાં આવેલ રોયલ રેસિડન્સીમાં મોડી રાત્રે આગનો બનાવ બન્યો હતો. શોર્ટ સર્કિટને કારણે રેસિડન્સીના 10 મા માળે આવેલ એક ફ્લેટમાં આગ લાગી હતી. આગ લાગતા રહેવાસીઓમાં અફરાતફરીનો માહોલ જોવા મળ્યો હતો. આગને બૂઝવવા 5 ફાયર ફાયટરની મદદ લેવાઈ હતી. આગના કારણે તમામ ઘરવખરીનો સમાન બળીને ખાખ થઈ ગયો હતો. હાઇડ્રોલિકની મદદથી આગ કાબૂમાં લેવાઈ હતી.

આગ લાગતા જ બિલ્ડીંગના રહીશો જીવ બચાવીને નીચે દોડી આવ્યા હતા. આગ જ્યાં સુધી બૂઝાઈ ન હતી, ત્યા સુધી રહીશો નીચે જ રહ્યાં હતા. આગ કાબૂમાં આવતા લોકો પોતાના ઘરોમાં ગયા હતા

(12:22 pm IST)
  • અંત સમયમાં ભગવાન જ યાદ આવે છે : મધ્યપ્રદેશના પૂર્વ મુખ્યમંત્રી કમલનાથે રામમંદિરના નિર્માણને આવકારતો વિડિઓ વાઇરલ કરતા ભાજપ આગેવાન કૈલાસ વિજય વર્ગીયનો કટાક્ષ : અત્યાર સુધી કોંગ્રેસ આગેવાનો રામના પાત્રને કાલ્પનિક ગણાવતા હતાં : હવે સદબુદ્ધિ આવી તે બાબત આવકારદાયક access_time 7:59 pm IST

  • ૬-૭ ઓગષ્ટથી તામિલનાડુમાં ફરી વરસાદ ખાબકશે : તામિલનાડુમાં ૬-૭ ઓગષ્ટથી ગાજવીજ સાથે ચોમાસુ વરસાદનું ફરી આગમન થશે. તેમ જાણીતા વેધર વોચર કેન્ની જણાવે છે. access_time 1:18 pm IST

  • રાજકોટમાં અ.. ધ..ધ..ધ..93 પોઝિટિવ કેસ આવ્યા : રાજકોટમાં 55 અને જિલ્લામાં 32 નવા કેસ જાહેર : 35 દર્દી ને રજા આપી દેવાઈ : હાલ 517 દર્દી ને સારવાર અપાઈ રહી છે access_time 8:31 pm IST