Gujarati News

Gujarati News

News of Saturday, 1st August 2020

રાજપીપળા પાલિકાના હંગામી કર્મીઓ હડતાળ પર જતા પાણી નહિ આવતા મહિલાઓ વિફરી:પાલીકા કચેરી પર માટલા ફોડ્યા

પાલીકા કચેરી પર મહિલાઓ એ હલ્લા બોલ કરી માટલા ફોડી રોષ વ્યકત કર્યો,પાલીકા પ્રમુખ ના નિવસ્થાને પણ લોકો રજુઆત કરવા દોડી ગયા

(ભરત શાહ દ્વારા) રાજપીપળા : રાજપીપળા નગર પાલિકા ના અનગઢ વહીવટ અને મુખ્ય અધિકારી ની મનમાનીના કારણે ગુરુવારથી પાલિકાના તમામ હંગામી કર્મચારીઓ ચાર મહિનાના પગાર મુદ્દે હડતાળ પર ઉતરતા પાણીની ગંભીર કટોકટી સર્જાઈ હતી.
                 ગુરુવારે સાંજે અને શુક્રવારે સવારે બે ટાઈમ પાલીકા નું પાણી ન મળતા ગૃહિણીઓ અકળાઈ ઉઠી હતી શહેર ના દરેક વિસ્તારો ના નળ માં પાણી નહિ આવતા ઘર માં નાહવા,ધોવા,વાપરવા નું પાણી પણ નહીં હોવાથી કોરોના જેવી મહામારી વચ્ચે લોકો ને કોરોના સંક્રમણ વધે તેવો ભય લાગી રહ્યો છે.આમ તો સરકાર બહાર થી આવો ત્યારે સેનેટાઇજાર થી હાથ સાફ કરવા જણાવે છે પરંતુ હમણાં રાજપીપળા શહેરમાં પાણી ના અભાવે નાહવાનું પણ બંધ થઈ ગયું છે.જોકે ટાંકીઓ ખાલી થતા વાપરવાનું પાણી ખૂટી ગયું પરંતુ પીવા માટે પાણી જરૂરી હોય જ લોકોએ વેચાતા ફિલ્ટર જગ મંગાવતા ફિલ્ટર પ્લાન્ટ વાળા ને આવા સમયે ઘીકેળાં જોવા મળ્યા હતા જ્યારે જે બે ચાર વિસ્તાર માં હેન્ડ પમ્પ ચાલું હતા ત્યાં મોટી લાઈનો જોવા મળી જેમાં રાજપીપળા ના સોનિવાડ ના નંદકેશ્વર મહાદેવ મંદિર બહાર ન હેન્ડ પમ્પ ઉપર સવાર થી પાણી માટે મહિલાઓની પડાપડી જોવા મળી હતી. શુક્રવારે સવારે પણ પાણી ન આવતા પાણી વગર કંટાળેલી મહિલાઓ પાલીકા કચેરી પર દોડી ગઈ ત્યાં માટલા ફોડી વિરોધ વ્યક્ત કર્યો હતો.ત્યારબાદ પાલીકા પ્રમુખ જીગીષાબેન ભટ્ટ ના નિવસ્થાને પણ મહિલાઓ એ પહોંચી પાણી બાબતે રજુઆત કરી હતી.
               વેરો વધારવા ઉતાવળા બનેલા પાલીકા સત્તાધીશો હાલ હડતાળ સમયે પાણી વગર વલખા મારતી પ્રજા ને જવાબ આપવાના બદલે જાણે મૌન સેવી ભૂગર્ભ માં ઉતરી પડ્યા હોય તેમ જણાઈ રહ્યું છે.મુખ્ય અધિકારી પણ પાણી બાબતે કોઈજ વૈકલ્પિક વ્યવસ્થા કરી શક્યા ન હતા ત્યારે કેટલાક જાગૃત લોકો ના મતે આ પ્રજા ને હેરાન કરવા માટે નો સ્ટંટ હોય તેવી ચર્ચા એ પણ જોર પકડ્યું હતું.

(9:39 pm IST)
  • રાજકોટમાં અ.. ધ..ધ..ધ..93 પોઝિટિવ કેસ આવ્યા : રાજકોટમાં 55 અને જિલ્લામાં 32 નવા કેસ જાહેર : 35 દર્દી ને રજા આપી દેવાઈ : હાલ 517 દર્દી ને સારવાર અપાઈ રહી છે access_time 8:31 pm IST

  • ૬-૭ ઓગષ્ટથી તામિલનાડુમાં ફરી વરસાદ ખાબકશે : તામિલનાડુમાં ૬-૭ ઓગષ્ટથી ગાજવીજ સાથે ચોમાસુ વરસાદનું ફરી આગમન થશે. તેમ જાણીતા વેધર વોચર કેન્ની જણાવે છે. access_time 1:18 pm IST

  • રાજકોટની નાથાલાલ પારેખ કેન્સર હોસ્પિટલ ૧૬ ઓગષ્ટ સુધી બંધઃ સ્ટાફ નર્સમાં ગઇકાલથી કોરોના સંક્રમણ થતા સાવચેતી માટે હોસ્પિટલ બંધ કરાવ્યુ હોવાની સત્તાવાર જાહેરાતઃ હોસ્પિટલ સંકુલ સેનેટાઇઝ કરવા સહિતના સુરક્ષાના પગલા access_time 3:26 pm IST