Gujarati News

ઇતિહાસમાં ગુજરાતના રાજનગર અમદાવાદ એના બત્રીસ લક્ષણો સપૂતોથી ઉજળું છે. પહેલી જુલાઈનો વસંત-રજબ સ્મૃતિ દિવસ વરસોવરસ એની સાખ પૂરે છે. વસંતરાવ હેગિષ્ટે એક મહારાષ્ટ્રી હિંદુ હતા. અમદાવાદમાં ઉછરેલા ગુજરાતી વ્યાયામ વીર અને રજબઅલી લાખાણી એ ગુજરાતી મુસ્લિમ.

અમદાવાદ શહેર પોલીસે વસંત-રજબની મિત્રતા અને આત્મબલિદાનનું ઋણ ચૂકવવા માટે દોસ્તી અને માણસાઈનાં દર્શન કરાવતું દેશનું આ પ્રકારનું સર્વપ્રથમ મેમૉરિઅલ ‘વસંત-રજબ: બંધુત્વ સ્મારક’નું ‘ગાયકવાડ હવેલી’ના ઐતિહાસિક પરિસરમાં નિર્માણ કરેલ છે. ૨ ઓક્ટોબર, ૨૦૧૫ના રોજ ગાંધી જયંતીના દિને ‘વર્લ્ડ પીસ સેન્ટર’ – સ્મૃતિ મંદિર ઘોડાસરથી પરમ પૂજ્ય આચાર્ય સ્વામીશ્રી પુરુષોત્તમપ્રિયદાસજી સ્વામીજી મહારાજના સાનિધ્યમાં ‘શાંતિકૂચ’નું આયોજન કરવામાં આવ્યું હતું. વસંત-રજબ: બંધુત્વ સ્મારક’નું ‘ગાયકવાડ હવેલી’ મુકામે આ શાંતિકૂચનું સમાપન થયું ત્યારે અમદાવાદ શહેર પોલીસ દ્વારા પૂજ્ય સ્વામીજી મહારાજનું અભિવાદન કરવામાં આવ્યું હતું. ઇતિહાસકાર ડૉ. રિઝવાન કાદરી દ્વારા સંશોધિત આ પ્રોજેક્ટ જોઇને બાપા ખૂબ રાજી થયા હતા.

પરમ પૂજ્ય આચાર્ય સ્વામીશ્રીની પરંપરાને આગળ ધપાવવા માટે આજે તા. ૧ જુલાઈના રોજ ‘વસંત-રજબ આત્મબલિદાનની ૭૫મી પુણ્યતિથિ’એ પરમ પૂજ્ય આચાર્ય સ્વામીશ્રી જિતેન્દ્રપ્રિયદાસજી બંધુત્વ સ્મારક ખાતે યોજાયેલા કાર્યક્રમમાં

વેદ રત્ન આચાર્ય શ્રી પુરુષોત્તમપ્રિય સ્વામીજી મહારાજના પાદારવિંદથી ૨૦૧૫ માં પાવન થયેલા "વસંત- રજબ મેમોરિયલ - ગાયકવાડ હવેલી" - કોમી એખલાસના બલિદાન વીરો વસંત- રજબની ૭૫ મી પુણ્યતિથિએ શ્રી સ્વામિનારાયણ ગાદીના આચાર્ય શ્રી જિતેન્દ્રિયપ્રિયદાસજી સ્વામીશ્રી, જગન્નાથ મંદિરના મહંતશ્રી દિલીપદાસજી, ઈમામ સાહેબ, અમદાવાદ શહેરના પોલીસ કમિશનર વગેરે લબ્ધ પ્રતિષ્ઠિત મહાનુભાવો દ્વારા પુષ્પાંજલિ અર્પણ તથા વસંત - રજબ બેમિસાલ બલિદાન પુસ્તક - ગુજરાતી, હિન્દી અને અંગ્રેજી ભાષામાં - દ્વિતીય આવૃત્તિનું લોકાર્પણ કરવામાં આવ્યું હતું.