Gujarati News

Gujarati News

News of Friday, 1st June 2018

કરજણ તાલુકામાં બનાવવામાં આવેલ દોઢ કિમિ આરસીસી રોડ બે જ વર્ષમાં ખખડધજ બની ગયો

વડોદરા: જિલ્લાના કરજણ તાલુકામાં રેતીની લીઝ માટે જિલ્લા કલેક્ટરની ગ્રાન્ટમાંથી બનાવવામાં આવેલો દોઢ કિમીનો આરસીસી રોડ બે વર્ષમાં જ ખખડધજ બની ગયો છે.

રેતીની લીઝોને કારણે ગ્રામ્ય વિસ્તારના નવા રસ્તાઓ બિસ્માર બની રહ્યા હોઇ લોકોને ભારે હાલાકી પડી રહી છે.કરજણ તાલુકાના નારેશ્વર-પાલેજનો ૧૫ કિમી રોડ બે જ મહિનામાં તૂટવા માંડતા ઉહાપોહ સર્જાયો છે.

આજ રીતે બે વર્ષ પહેલા લીઝ માટે કલેક્ટરની ગ્રાન્ટમાંથી ખાસ તૈયાર કરાયેલો આરસીસીનો રોડ સાવ તૂટી ગયો છે.દોઢ કિમી લંબાઇનો રૃા.૨ કરોડના ખર્ચે તૈયાર થયેલો રોડ રેતીની ઓવરલોડ ટ્રકોને કારણે તૂટી જતા તેના સળિયા દેખાવા માંડયા છે.

આ જ રીતે બીજા પણ અનેક આંતરિક રસ્તાઓને પણ ટ્રકોને કારણે ભારે નુકસાન થઇ રહ્યુ હોઇ ગ્રામજનોમાં ભારે રોષ ફેલાયો છે.

(6:03 pm IST)
  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST

  • જાપાને વૈજ્ઞાનિક સંશોધનના બહાને મિંક પ્રજાતિની 122 વ્હેલનો શિકાર કર્યો: જાપાનની સરકારના આંતરરાષ્ટ્રીય રિપોર્ટ મુજબ પ્રતિબંધ હોવા છતા ઉનાળામાં 333 વ્હેલ માછલીઓને મારી નાંખી: આતંરરાષ્ટ્રીય વ્હેલિંગ આયોગ મુજબ રિસર્ચના નામે વ્હેલને તેમના મીટ માટે મારવામાં આવે છે. જાપાને 1985માં આઈડબ્લ્યુ સાથે કરાર કર્યો હતો કે વ્હેલને નહી મારે access_time 1:27 am IST

  • પી. ચિદમ્બરમને સીબીઆઈનું તેડું: ૬ જૂને હાજર રહેવા સમન્સ : INX મીડિયા કેસમાં વરિષ્ઠ કોંગ્રેસી નેતા,પૂર્વ નાણાંમંત્રી અને દેશના ટોચના ધારાશાસ્ત્રી પી. ચિદમ્બરમને સીબીઆઈએ ૬ જૂને પૂછપરછ માટે બોલાવ્યા છે access_time 10:21 pm IST