Gujarati News

Gujarati News

News of Friday, 1st June 2018

બનાવટી પાસપોર્ટના આધારે વડોદરાના એરપોર્ટ પરથી નાઈજીરિયા જતી મહિલાની અટકાયત

અમદાવાદ: બનાવટી પાસપોર્ટને આધારે સરદાર વલ્લભભાઈ એરપોર્ટ પરથી નાઈજીરીયા જવાની તૈયારી કરી રહેલી મહિલાની સરદારનગર પોલીસે ધરપકડ કરી છે. આ બનાવની વિગત મુજબ નાઈજીરીયાની રહેવાસી ઓબે ડિલેન્સી નામની મહિલાને ભારતમાં રહેતા જ્હોની નામના એજન્ટે નોકરીની ઓફર કરી હતી. આથી ઓબે ડિલેન્સીએ એજન્ટની મદદથી ફેન્ટાહ જોન્સન નામ ધારણ કરીને પાસપોર્ટ મેળવ્યો હતો અને તેની પર પોતાનો ફોટો લગાવ્યો હતો.આ પાસપોર્ટ ગુયેના (રિપબ્લિક ડે ગુયુની) થી ઈશ્યુ થયેલો હતો. બાદમાં તે નાઈજીરીયાથી અબુધાબી થઈને ઈતિહાદ ફ્લાઈટમાં અમદાવાદ એરપોર્ટ પર આવી હતી. બાદમાં ૩૦ મે ૨૦૧૮ નાં રોજ તે સરદાર વલ્લભભાઈ એરપોર્ટ પરથી નાઈજીરીયા જવાની તૈયારી કરી રહી હતી ત્યારે ઈમીગ્રેશનના અધિકારીઓનાં હાથે ઝડપાઈ ગઈ હતી. સરદારનગર પોલીસે ઓબે ડિલેન્સીની ધરપકડ કરીને વધુ તપાસ હાથ ધરી છે.

(6:02 pm IST)