Gujarati News

Gujarati News

News of Friday, 1st June 2018

બાયડ તાલુકાના નરસેડાકંપામાં આવે ફાર્મહાઉસમાં ઘુસેલ તસ્કરોએ બે બાળકોને બંદીવાન બનાવી 9.98 લાખની લૂંટ ચલાવી

બાયડ: તાલુકાના નરસેડાકંપામાં આવેલા ફાર્મ હાઉસમાં બાઈક લઈ ઘૂસી આવેલા લૂંટારાએ ઘરમાં રહેલા બે બાળકોને બંદીવાન બનાવી રૃ.૭.૮૫ લાખની કિંમતના દાગીના સહિત રૃપિયા બે લાખ રોકડા મળી ૯.૮૮ લાખની લૂંટની ઘટનાએ ચકચાર મચાવી હતી.લૂંટારાએ રૃપિયા ત્રણ હજારની કિમંતનો મોબાઈલ પણ ચોરી લેતાં ધોળે દહાડે આચરાયેલી લૂંટમાં કોઈ જાણભદુ સંડોવાયો હોવાની શંકા-કુશંકાઓ સાથે સઘન તપાસ હાથ ધરાઈ છે.આ લૂંટારાને ઝડપી લેવા એસઓજી,એલસીબી સહિતની ટીમો કામે લગાડાઈ હોવાનું જિલ્લા પોલીસવડાએ જણાવ્યું હતું.
ગાબટ ગામના ઠાકોર(દરબાર) અને હાલના સરપંચ કૃષ્ણરાજસિંહજી ઝાલા અને તેમનો પરિવાર નરસેડાકંપા(ગોતાપુર) ખાતે આવેલ ફાર્મ હાઉસમાં નિવાસ કરે છે.આ રાજવી પરિવારના સભ્યો સામાજિક પ્રસંગ અર્થે પાલનપુર(બનાસકાંઠા) ગયા હતા.ત્યારે તેમનો ૧૧ વર્ષનો પુત્ર રાજવીરસિંહ ઘરે એકલો હતો.ગત બુધવારની સવારે એક અજાણ્યો બાઈક ચાલક આ ફાર્મ હાઉસે આવી પહોંચ્યો હતોેઅને પીવાનું પાણી માંગ્યું હતું.
સરપંચનો પુત્ર અને તેમના ભાગીયાનો પુત્ર જેવા પાણી લેવા રસોડામાં ગયા કે તુરંત આ લૂંટારાએ રસોડાનો દરવાજો બંધ કરી ઘરની તીજોરીમાં રખાયેલ રૃ.૭.૮૫ લાખના સોના-ચાંદીના દાગીના સહિત અને રૃ. બે લાખની રોકડ સહિત એક મોબાઈલ લૂંટી આ લૂંટારૃ ફરાર થઈ જતાં ધોળે દહાડે આચરાયેલી આ લૂંટે ભારે ખળભળાટ મચાવ્યો હતો.આ લૂંટની ઘટનાને પગલે જિલ્લા પોલીસવડા કે.એન.ડામોર અને ડીવાયએસપી સહિત પોલીસનો મોટો કાફલો ઘટના સ્થળે દોડી પહોંચ્યો હતો.અનેલૂંટ પ્રકરણે સઘન તપાસ હાથ ધરાઈ હતી.

(6:01 pm IST)
  • યુપીઃ નાયબ મુખ્‍યમંત્રી દિનેશ શર્માનો બફાટ : સીતાજીનો જન્‍મ ટેસ્‍ટ ટયુબ બેબી થકી થયો હતો : મહાભારત-રામાયણ કાળમાં લાઇવ ટેલીકાસ્‍ટથી લઇને ટેસ્‍ટ ટયુબ બેબી ટેકનોલોજીનો ઉપયોગ થયો હતો access_time 4:57 pm IST

  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST

  • બ્લેકમનીની માહિતી આપનારને મળશે 5 કરોડ સુધીનું ઇનામ : કેસમાં 1 ટકાનું રીવોર્ડ મળશે : વિગત આપનારનું નામ ગુપ્ત રાખવા કોડ અપાશે : ઇન્કમટેક્સ ડિપાર્ટમેન્ટે નવી સ્કીમ લાગુ કરી છે જેમાં કાળું નાણુંની માહિતી આપનારને ઇનામ મળશે : સીબીડીટીએ આઇટી ઈન્ફોરમેશન રીવોર્ડસ સ્કીમ જાહેર કરી છે બ્લેકમની અંગે માહિતી આપનારને 5 કરોડ સુધીનું ઈનામ મળશે ફોરેન બ્લેક મની કેસમાં 1 ટકાનું રીવોર્ડ મળશે અને આ અંગેની માહિતી આપનારની વિગત ગુપ્ત રાખવા કોડ અપાશે access_time 1:04 pm IST