Gujarati News

Gujarati News

News of Friday, 1st June 2018

નડિયાદમાં મોડી રાત્રે એપાર્ટમેન્ટમાં ચોથા માળેથી નીચે પટકાતા બે વ્યક્તિને ઇજા

નડિયાદ: શહેરના આઇજી માર્ગ પર આવેલ એક એપાર્ટમેન્ટમાં બે વ્યક્તિઓ ગત મોડી રાત્રે ચોથા માળેથી નીચે પટકાતા ચકચાર મચી ગઇ છે. જોકે નીચે પટકાયેલા ઘર માલિક અને ઘરઘાટી શા માટે ચોથા માળેથી નીચે પટકાયા તે બાબતે અનેક રહસ્યો ચર્ચાઇ રહ્યા છે. જોકે નડિયાદ પશ્ચિમ પોલીસે સમગ્ર બાબતે માત્ર જાણવા જોગ નોધ કરી કાર્યવાહી હાથ ધરી છે.

 

નડિયાદ શહેરના પશ્ચિમ વિભાગમાં આવેલ આઇજી માર્ગ પર શિવમ એપાર્ટમેન્ટ આવેલ છે. એપાર્ટમેન્ટના ચોથા માળે જીતેન્દ્રભાઇ પટેલ અને તેમનો પરીવાર રહેતો હતો. જોકે જીતેન્દ્રભાઇને તેમની પત્નિ સાથે અણ બનાવ હોવાથી છેલ્લા કેટલાક દિવસોથી તેઓ પત્નીથી જુદા રહેતા હતા. ગઇકાલે રાત્રીના સમયે અચાનક જીતેન્દ્રભાઇ પત્નિના ફ્લેટ પર આવી પહોચ્યા હતા. અને ઘરમાં આવી બૂમાબૂમ મચાવી દીધી હતી. જેના થોડા સમય બાદ જીતેન્દ્રભાઇ અને તેમનો ઘરઘાટી અર્જુન ચોથા માળેથી નીચે પટકાતા સમગ્ર વિસ્તારમાં ચકચાર મચી ગઇ હતી. અને આસપાસના લોકો ઘટનાસ્થળ પર એકત્ર થઇ ગયા હતા. અચાનક બે વ્યક્તિઓ નીચે પટકાતા પોલીસ અને ૧૦૮ની ટીમ થોડી વારમાં ઘટના સ્થળ પર પોહોચી ગયા હતા. અને બંને ઘાયલોને નડિયાદ સિવિલ હોસ્પિટલ અને ત્યાથી વધુ સારવાર માટે વડોદરાની ખાનગી હોસ્પિટલ ખાતે ખસેડ્યા હતા.
જોકે સમગ્ર ઘટના કયા કારણોસર બની? શા માટે બંને વ્યક્તિઓ નીચે પડ્યા? શું બંનેએ જાતે કુદકો માર્યો? કે પછી કોઇ અન્ય વ્યક્તિએ તેમને નીચે ફેકી દીધા? તેવા તમામ પાસાઓ પર તપાસ થાય તો ઘણી ચોકાવનારી બાબતો બહાર આવી શકે તેમ છે. સમગ્ર ઘટના બાબતે હાલ અમીતભાઇ પટેલની જાહેરાતના આધારે જાણવા જોગ નોંધ દાખલ કરીને તપાસ હાથ ઘરી છે.

(6:00 pm IST)
  • યુપીઃ નાયબ મુખ્‍યમંત્રી દિનેશ શર્માનો બફાટ : સીતાજીનો જન્‍મ ટેસ્‍ટ ટયુબ બેબી થકી થયો હતો : મહાભારત-રામાયણ કાળમાં લાઇવ ટેલીકાસ્‍ટથી લઇને ટેસ્‍ટ ટયુબ બેબી ટેકનોલોજીનો ઉપયોગ થયો હતો access_time 4:57 pm IST

  • પુણેમાં શરદ પવાર અને નીતિન ગડકરીની ગુપ્ત મીટિંગથી રાજકારણમાં ગરમાવો :પુણેની ફાઈવ સ્ટાર હોટલમાં કેન્દ્રીય મંત્રી ગડકરીએ પત્રકારોને સંબોધિત કરી સરકારની ચાર વર્ષની સિદ્ધિઓ વર્ણવ્યા બાદ બંને દિગ્ગ્જ નેતાઓની હોટલમાં મુલાકાત થઇ :બંનેની પાર્ટીના કોઈપણ નેતાને આ વાતની જાણકારી નથી access_time 1:25 am IST

  • જાપાને વૈજ્ઞાનિક સંશોધનના બહાને મિંક પ્રજાતિની 122 વ્હેલનો શિકાર કર્યો: જાપાનની સરકારના આંતરરાષ્ટ્રીય રિપોર્ટ મુજબ પ્રતિબંધ હોવા છતા ઉનાળામાં 333 વ્હેલ માછલીઓને મારી નાંખી: આતંરરાષ્ટ્રીય વ્હેલિંગ આયોગ મુજબ રિસર્ચના નામે વ્હેલને તેમના મીટ માટે મારવામાં આવે છે. જાપાને 1985માં આઈડબ્લ્યુ સાથે કરાર કર્યો હતો કે વ્હેલને નહી મારે access_time 1:27 am IST