Gujarati News

Gujarati News

News of Friday, 1st June 2018

શાળા પ્રવેશ વખતે અનુમાનથી લખાયેલી ૧ જૂન એટલે અનેક લોકોનો જન્‍મદિન

આજે શ્રેણીબદ્ધ મહાનુભાવોના જન્‍મદિનઃ કારણ રસપ્રદ

રાજકોટ, તા. ૧ :. આજે ગુજરાતના જાહેર જીવનના અનેક અગ્રણીઓ અને અધિકારીઓનો જન્‍મદિન છે. એક જ દિવસે આટલા બધા લોકોના જન્‍મદિન આવવાનું કારણ શું ? તેના અભ્‍યાસનું તારણ રસપ્રદ નીકળે છે.

દાયકાઓ પહેલા જન્‍મના રેકોર્ડની અત્‍યાર જેવી વ્‍યવસ્‍થા ન હતી. ઘણા માવતર તિથિ મુજબ જન્‍મદિન યાદ રાખવા. બાળકને ૫ વર્ષ પુરા થવા આવે ત્‍યારે (મોટાભાગે ગ્રામીણ ક્ષેત્ર) શાળામાં બેસાડવાનું થતુ તે વખતે જન્‍મ તારીખના દાખલા ઉપલબ્‍ધ ન હોવાથી વાલીઓ શૈક્ષણિક સત્ર શરૂ થવાના સમયને અનુરૂપ જન્‍મ તારીખ ૧ જૂન લખાવતા અથવા શાળાના શિક્ષક કે આચાર્ય તે મુજબ જન્‍મ તારીખ લખી નાખતા. તે વખતે પરિસ્‍થિતિની અનુકુળતા મુજબ લખેલી જન્‍મ તારીખ જે તે વ્‍યકિત માટે આખી જિંદગીનો સત્તાવાર રેકોર્ડ બની ગઈ છે. આજે જેનો જન્‍મદિન છે તેમના અનેક લોકોની જન્‍મ તારીખ આ રીતે નક્કી થયેલી છે.

(12:58 pm IST)
  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST

  • આ છાયો પણ મીઠો લાગે!!! : સમગ્ર દેશમાં કાળઝાળ ગરમી પડી રહી છે ત્યારે રાજસ્થાન સૌથી વધુ ગરમ રહયું છે. એવામાં અજમેર પાસે ઓવરલોડ ટ્રક નીચે પણ કોઇજાતની ચિંતા કે પરવા વગર સુતા લોકોમાં સુરજના આકરા મીજાજનું રૂપ દેખાઇ રહયું છે. access_time 4:31 pm IST

  • બ્લેકમનીની માહિતી આપનારને મળશે 5 કરોડ સુધીનું ઇનામ : કેસમાં 1 ટકાનું રીવોર્ડ મળશે : વિગત આપનારનું નામ ગુપ્ત રાખવા કોડ અપાશે : ઇન્કમટેક્સ ડિપાર્ટમેન્ટે નવી સ્કીમ લાગુ કરી છે જેમાં કાળું નાણુંની માહિતી આપનારને ઇનામ મળશે : સીબીડીટીએ આઇટી ઈન્ફોરમેશન રીવોર્ડસ સ્કીમ જાહેર કરી છે બ્લેકમની અંગે માહિતી આપનારને 5 કરોડ સુધીનું ઈનામ મળશે ફોરેન બ્લેક મની કેસમાં 1 ટકાનું રીવોર્ડ મળશે અને આ અંગેની માહિતી આપનારની વિગત ગુપ્ત રાખવા કોડ અપાશે access_time 1:04 pm IST