Gujarati News

Gujarati News

News of Friday, 1st June 2018

વેલ્યુઅેશન કમ્પ્લીશન સર્ટીફીકેટ માટે ૧ લાખની લાંચ માંગનાર વડોદરાના શિનોર તાલુકા પંચાયતના મદદનીશ અેન્જિનિયર નૈનેશ શાહની ધરપકડ

વડોદરાઃ વડોદરા જિલ્લાના શિનોર તાલુકા પંચાયત કચેરીમાં નૈનેશ રમેશચંદ્ર શાહ અધિક મદદનીશ ઈજનેર તરીકે ફરજ બજાવે છે. જ્યારે ફરિયાદી ગ્રામ પંચાયતના વિકાસના કામો લેબર તથા મટીરીયલથી કરતા હતા. જેમાં અલગ અલગ ચાર કામોના વેલ્યુએશન તેમજ કમ્પ્લીશન સર્ટિફિકેટ મેળવવા માટે અધિક મદદનીશ ઈજનેર નૈનેશ શાહે તેમની પાસેથી એક લાખ રૂપિયાની માંગણી કરી હતી. જેમાં 50 હજાર રૂપિયા તેમણે એક મહિના પહેલા જ આપી દીધા હતા. જોકે અડધી રકમ આપી દીધી હોવા છતાં અધિકારી દ્વારા કોઈજ કામ કરવામાં આવતું નહોતું. અને બાકીના 50 હજાર રૂપિયાની પણ માંગણી કરી હતી.

જેથી બાકીના 50 હજાર રૂપિયા આજે આપવાનો વાયદો કરાયો હતો. જાગૃત નાગરિકે આ અંગેની ફરિયાદ એસીબીમાં કરી હતી. જેના આધારે એસીબીની ટીમ દ્વારા છટકુ ગોઠવાયું હતું. આમ, નૈનેશ શાહ એસીબીના હાથે રંગે હાથ ઝડપાઈ ગયા હતા.

(6:07 pm IST)
  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST

  • પી. ચિદમ્બરમને સીબીઆઈનું તેડું: ૬ જૂને હાજર રહેવા સમન્સ : INX મીડિયા કેસમાં વરિષ્ઠ કોંગ્રેસી નેતા,પૂર્વ નાણાંમંત્રી અને દેશના ટોચના ધારાશાસ્ત્રી પી. ચિદમ્બરમને સીબીઆઈએ ૬ જૂને પૂછપરછ માટે બોલાવ્યા છે access_time 10:21 pm IST

  • સુરતથી ઉપડેલી તાપ્તી ગંગા ટ્રેનમાં ગેસકટરથી બાકોરું પાડીને લાખો રૂપિયાના પાર્સલની ચોરી : સાહગંજ સ્ટેશને ચોરીની જાણ થતા બોગીને સુરત લવાઈ : તપાસ શરૂ : સુરતથી ઉપડેલી તાપ્તી ગંગા ટ્રેનમાં ચોરી ગેસ કટરથી બાકોરું પાડી લાખો રૂપિયાના પાર્સલોની ચોરી થયાનું જાણવા મળે છે ટ્રેન સાહગંજ સ્ટેશને પહોંચતા થઇ ચોરીની જાણ થતા ચોરી થયેલી બોગીને સુરત લવાઈ છે આ સમગ્ર મામલે રેલવે પોલીસ તપાસ હાથ ધરશે access_time 1:11 pm IST