Gujarati News

Gujarati News

News of Saturday, 1st May 2021

કોરોનાના ત્રીજા વેવનો ખૌફ

વેકસીનેશનના પહેલા જ દિવસે વેકસીન લેવા લાઈનો લાગી

યુવાનોએ કહ્યું કે, વેકસીન લીધા પછી કોરોના થાય તો પણ તેની સામે વધારે સારી રીતે લડી શકાય છેઃ કોરોનાનો ત્રીજો વેવ આવે તો પણ તેની સામે અડીખમ ઉભું રહી શકાય છે

અમદાવાદ, તા.૧: રાજયમાં આજથી ૧૮ વર્ષથી ૪૪ વર્ષના યુવાનો માટે રસીકરણનો પ્રારંભ થયો છે. આને કોરોનાનો ડર કહો કે ખૌફ, પણ પહેલા જ દિવસે વેકસીન લેવા માટે યુવાનોનો ઉત્સાહ ગુજરાતના શહેરોમાં જોવા મળ્યો. મતદાન મથકમાં જે પ્રકારે લાઈનો લાગે એ પ્રકારે યુવાનો વેકસીન લેવા માટે લાઇનો લગાવી છે. વહેલી સવારથી વેકસીન સેન્ટર ઉપર યુવાનોની લાંબી કતારો જોવા મળી છે. યુવાનોએ કહ્યું કે, વેકસીન લીધા પછી કોરોના થાય તો પણ તેની સામે વધારે સારી રીતે લડી શકાય છે. કોરોનાનો ત્રીજો વેવ આવે તો પણ તેની સામે અડીખમ ઉભું રહી શકાય છે.

ગાંધીનગર સહિત ગુજરાતના ૧૦ જિલ્લાઓમાં આજથી રસીકરણ (Vaccine For 18 Plus) નો પ્રારંભ થયો છે. ગાંધીનગરની સેકટર ૭ પ્રાથમિક શાળામાં લાંબી કતારો લાગી છે. યુવાનોમાં રસીકરણને લઈને ભારે ઉત્સાહ જોવા મળ્યો.

રાજકોટમાં ૪૮ સ્કૂલોમાં વેકસીનેશન

રાજકોટમાં અલગ અલગ ૪૮ સ્કૂલોમા વેકસીનની પ્રકિયાઓ હાથ ધરવામાં આવશે છે. રાજકોટ મનપા દ્વારા અલગ અલગ ૪૮ સ્કૂલ પર વેકસીન (vaccinatioઁ) માટે વ્યવસ્થા ગોઠવામાં આવી છે. રાજકોટમાં આજે યુવાનો વેકસીનેશન કરાવશે. મનપાનો ૩૦૦ લોકોના સ્ટાફ આ માટે તૈનાત રહેશે. સાંજ સુધીમાં એક સેન્ટર પર ૨૦૦ લોકોને વેકસીનેશન થઇ શકશે. તો આવતીકાલે રાજકોટમાં ૧૦૦૦૦ લોકોને વેકસીન આપવાનો ટાર્ગેટ નક્કી કરાયો છે.

વડોદરામાં ૭૬ સેન્ટર પર વેકસીનેશન

૧૮ વર્ષ થી ઉપરના નાગરિકોને આજથી વડોદરામાં રસી અપાશે. શહેરના ૭૬ સેન્ટર પર કોરોનાની રસી અપાશે. આજે દરેક સેન્ટર પર લોકોને રસી મળશે. રજિસ્ટ્રેશન સિવાયના લોકોને વેકસીન નહિ મળે તેની ખાસ નોંધ લે.

cowin.gov.in પોર્ટલ પર ઓનલાઇન રજીસ્ટ્રેશન કરાવ્યું હશે તે યુવાનોને જ વેકિસન અપાશે. જોકે, આ વાતનું ખાસ ધ્યાન રાખવું કે, સ્થળ પર રજીસ્ટ્રેશનની જોગવાઇ નથી. જેણે અગાઉથી રજિસ્ટ્રેશન કર્યું હસે તેને જ વેકસીન મળશે.

સમગ્ર દેશમાં આજથી ૧૮થી ૪૪ વયજૂથમાં વેકિસનેશનનો ચોથા તબક્કાનો આરંભ થઈ રહ્યો છે. મુખ્યમંત્રી વિજય રૂપાણીએ સ્પષ્ટતા કરતાં જણાવ્યું હતું કે, જે યુવાનોએ cowin.gov.in પોર્ટલ પર ઓનલાઇન રજીસ્ટ્રેશન કરાવ્યું હશે તે પૈકીના આ ૧૦ જિલ્લાના યુવાનોને જ SMS મળશે, અને SMSમાં દર્શાવેલી તારીખે, સ્થળે અને સમયે જે તે સેન્ટર પર જઈને તેમણે વેકિસન લેવાની રહેશે. વેકિસનેશન માટે ઓનલાઇન રજીસ્ટ્રેશન ફરજિયાત છે. સ્થળ પર રજીસ્ટ્રેશનની કોઈ જોગવાઇ નથી એટલે જેમણે ઓનલાઈન રજીસ્ટ્રેશન કરાવ્યું હોય અને જેમને SMS મળ્યો હોય તે યુવાનો જ વેકિસન લેવા માટે જાય. ગુજરાતમાં વેકિસનેશનની કામગીરી ખૂબ જ સુચારુ રૂપે થઈ રહી છે. એટલે આ કામગીરીમાં કોઈ અવ્યવસ્થા ન સર્જાય એ સૌએ જોવાનું રહેશે.

(3:56 pm IST)
  • આજે પણ રાજકોટ શહેર - જિલ્લામાં કોરોના નો આતંક યથાવત : આજે સાંજ સુધીમાં રાજકોટ શહેરમાં 621 અને ગ્રામ્યના 42 કેસ સાથે કુલ 663 નવા કોરોના ના કેસ નોંધાયા access_time 7:32 pm IST

  • ભારતે કોરોના ક્ષેત્રે ફરી વિશ્વ વિક્રમ નોંધાવ્યો: ૨૪ કલાકમાં ૪ લાખ ઉપર નવા કોરોના કેસ: ૩૫૨૩ના મોત: ચારેકોર હાહાકાર વિશ્વના અન્ય દેશોમાં પણ કોરોનાઆતંક યથાવત ચાલુ છે: બ્રાઝિલમાં ૭૩ હજાર: અમેરિકામાં ૫૭ હજાર: ફ્રાન્સમાં ૨૪ હજાર: ઇટલીમાં ૧૩ હજાર: જર્મનીમાં ૧૨ હજાર નવા કોરોના કેસ છેલ્લા ૨૪ કલાકમાં નોંધાયા છે: ઇંગ્લેન્ડમાં ૨૩૮૧ કેસ: યુનાઇટેડ આરબ અમીરાતમાં ૧૯૭૪ કોરોના કેસ: સાઉદી અરેબિયામાં ૧ હજાર: ઓસ્ટ્રેલિયા ૨૨, ચીન ૧૩ અને હોંગકોંગમાં ૪ કેસ નવા કોવિડ-૧૯ કેસ છેલ્લા ૨૪ કલાકમાં નોંધાયા છે ( ન્યૂઝફર્સ્ટ ) access_time 10:25 am IST

  • હૈદ્રાબાદના કેપ્ટનપદેથી વોર્નરની હકાલપટ્ટી : વિલિયમ્સન બન્યો નવો કેપ્ટન : આઈપીઍલમાં ડેવિડ વોર્નરની આગેવાની હેઠળ હૈદ્રાબાદની ટીમના સતત નબળા પ્રદર્શનને લીધે તેને કેપ્ટનપદેથી હટાવી વિલિયમ્સનને કેપ્ટન બનાવાયો છે. access_time 4:37 pm IST