Gujarati News

ગુજરાતમાં એક તરફ કોરોનાને લઇને લોકડાઉન જાહેર કરવામાં આવ્યું છે ત્યારે બીજી તરફ રાજ્ય સરકાર દ્વારા આજથી મફત અનાજનું વિતરણ શરૂ કરવામાં આવ્યું છે. જો કે સરકારના આ કાર્યક્રમમાં કોઇપણ જગ્યાએ કોરોનાને લઇને સોશિયલ ડિસ્ટન્સ જોવા મળ્યું નહોતું. મફત અનાજના વિતરણમાં રાજ્યમાં ચોતરફ અફરાતફરીનો માહોલ જોવા મળ્યો હતો

  કોરોના વાયરસના સંકટ વચ્ચે રાજ્યમાં આજે સસ્તા અનાજનું વિતરણ કરવામાં આવી રહ્યું છે. અનાજની ક્વોલિટી જોઇ કાર્ડધારકો રોષે ભરાયા છે. પશુ ન ખાય તેવા અનાજનું વિતરણ કરાઇ રહ્યું છે. દાળ અને ઘઉં ખુબજ ખરાબ ક્વોલિટીના જોવા મળી રહ્યાં છે. સડી ગયેલા ઘઉં અને દાળ લેવા લોકો મજબુર બન્યા છે. વર્ષોથી પડી રહેલા ઘઉંનું વિતરણ કરવામાં આવી રહ્યું છે.