Gujarati News

Gujarati News

News of Monday, 1st March 2021

કુબેરનગરમાં પોલીસે યુવકને ફટકારતા જોરદાર હોબાળો

૫ કિલોમીટર સુધી ટ્રાફિકજામ સર્જાયો : ચારેય પોલીસકર્મી દારૂ પીધેલ હાલતમાં હોવાનો સ્થાનિકોનો આક્ષેપ, યુવકને ગળા, હાથ અને કમરના ભાગમાં ઈજાઓ

અમદાવાદ,તા. : અમદાવાદ શહેરના એરપોર્ટ પોલીસ સ્ટેશન વિસ્તારમાં આવેલા ઇન્ડિકેપ ત્રણ રસ્તા પાસે વાહનચાલક અને પોલીસકર્મી વચ્ચે લાઈસન્સ મામલે બોલાચાલી થઈ હતી. દરમિયાન એક પોલીસકર્મીએ વાહનચાલક પર લાઠીચાર્જ કર્યો હતો. રોડ પરથી પસાર થતાં અન્ય વાહન ચાલકો દ્રશ્ય જોઈને ઉભા રહી ગયા હતા અને જોત જોતામાં ૧૦૦-૧૫૦ લોકોનું ટોળું ઘટનાસ્થળે ભેગું થઈને પોલીસકર્મીઓને ઘેરી લીધા હતા. મળતી માહિતી મુજબ બનાવની જાણ થતાં ધારાસભ્ય બલરામ થાવાણી પણ આવ્યા હતા પરંતુ થોડીવાર બાદ તે પણ ત્યાંથી જતા રહ્યા હતા. દરમિયાન કુબેરનગરથી નાના ચિલોડા અને એરપોર્ટ તરફ જવાને રસ્તા લગભગ ૪થી કિલોમીટર સુધીનો ટ્રાફિકજામ થઈ ગયો હતો.

યુવકે જણાવ્યું કે, ડીજી લોકરમાં લાઈસન્સ બતાડી રહ્યો હતો. બે પોલીસકર્મીને વંચાતું નહોતું, તો ત્રીજા પોલીસકર્મી પાસે ગયો તો મોબાઈલ ઝૂંટવી લીધો હતો અને ગાળો આપીને મારવાનું શરૂ કર્યું. દંડો તૂંટી ગયો એટલો માર્યો છે અને બધાએ રસ્તા જતા લોકોએ દ્રશ્ય જોયા છે. સ્થાનિકોએ જણાવ્યું કે, કુબેરનગર વિસ્તારમાં સૌથી વધાર તકલીફ છે, દરરોજ અહિંયા પોલીસની ચારથી પાંચ ગાડીઓ ઉભી હોય છે. ગમે તે વાહનચાલકને ઉભા રાખીને મિનિમમ ૫૦૦ રૂપિયા તો આપવા પડશે તેવું કહે છે. આજે ગરીબ રૂપિયા ક્યાંથી લાવીને આપે, અને પોલીસવાળા પીધા પછી આવું કરે છે.

ગરીબ માણસે કઈ નહીં કર્યું હોય તો પણ તેના પર બધી કલમો લગાવીને દંડ ફટકારવામાં આવે છે. આજે તમે પીધેલા છો તો તમારા પર ગુનો નોંધીને કાર્યવાહી થવી જોઈએ તેવી અમારી માંગ છે. યુવકના પિતાએ જણાવ્યું કે, મારો પુત્ર ફેક્ટરી પર જઈ રહ્યો હતો, દરમિયાન પોલીસે રોકીને લાઈસન્સ માંગ્યું. લાઈસન્સ તેના મોબાઈલમાં હતું, એકના વંચાયું નહીં તો બીજાને બતાવવા કહ્યું તેને પણ સમસ્યા હતી. ટૂંકમાં પોલીસકર્મીઓને ખબર નહોતી પડતી હતી કે શું છે? જ્યારે ત્રીજા પોલીસકર્મીને બતાવ્યું તો દંડો કાઢીને ફટકારવાનું શરૂ કર્યું હતું. ચારમાંથી એક પોલીસકર્મીઓ મારતો હતો, હું છોડાવવા ગયો તો મને પણ મારવા લાગ્યા. સ્થાનિકોએ આક્ષેપ કર્યો છે કે, ચારેય પોલીસકર્મીઓ પીધેલી હાલતમાં હતા.

બનાવની જાણ થતાં ઉચ્ચ અઘિકારી સહિતનો પોલીસ કાફલો ઘટનાસ્થળે પહોચી ગયો હતો. તસવીરોમાં જોઈ શકાય છે કે, લાઈસન્સ બાબતે યુવકને ફટકારતા જોરદાર હોબાળો મચી ગયો હતો અને લોકોની ભારે ભીડ એકઠી થઈ જતાં પરિસ્થિતિ વધુ બગડે તે માટે પોલીસે મામલો થાળે પાડવાનો પ્રયાસો કર્યા હતા. દરમિયાન અન્ય પોલીસકર્મીઓએ ટ્રાફિક ક્લિયર કરાવ્યો હતો.

(8:04 pm IST)
  • સિનિયર ડિપ્લોમેટ મનપ્રિત વોહરાની ઓસ્ટ્રેલિયા ખાતેના ભારતના નવા હાઈ કમિશનર તરીકે નિમણુક કરવામાં આવી છે. access_time 7:44 pm IST

  • ટ્રેકટરો બળતણ ભરેલા સાથે તૈયાર રહેવાનું હજ્‍જારો ખેડૂતોને જણાવાયું છે, દિલ્‍હી માટે ગમે ત્‍યારે ‘કોલ' આપી શકાય છે : કથિત ખેડૂત નેતા રાકેશ ટિકૈત access_time 11:37 am IST

  • ત્રણ રાજ્યોમાં આજથી નવા ચીફ સેક્રેટરી કાર્યરત બન્યા છે. મહારાષ્ટ્રના ચીફ સેક્રેટરી તરીકે સીતારામ કુંતે, બિહારના ચીફ સેક્રેટરી તરીકે અરુણ કુમાર સિંઘ અને કેરાળાના મુખ્ય સચિવ તરીકે ડોક્ટર વી પી જોય એ ચાર્જ સંભાળી લીધો છે. પ્રથમ બે અધિકારીઓ ૧૯૮૫ની બેચના છે જ્યારે ડો. જોય ૧૯૮૭ની બેચના છે. access_time 7:42 pm IST