Gujarati News

Gujarati News

News of Monday, 1st March 2021

વડોદરાના વાઘોડિયા ડભોઇ-રિંગરોડ નજીક બસ ચાલકે બાઈક પર જતા યુવાનને હડફેટે લેતા ગંભીર ઇજાથી મોત

વડોદરા: શહેરના વાઘોડિયા  ડભોઇ રીંગરોડ પર ગત રાતે સિટિ બસના ચાલકે સ્કૂટર પર જતા યુવકને ટક્કર મારતા યુવકને માથાના ભાગે ગંભીર ઇજા પહોંચી હતી.જેનુ ટૂંકી સારવાર બાદ મોત નિપજ્યું છે.પાણીગેટ પોલીસે ગુનો દાખલ કરી બસ ડ્રાયવરની શોધખોળ હાથ ધરી છે.

પોલીસ સૂત્રો દ્વારા મળતી માહિતી મુજબ,વાઘોડિયા ડભોઇ રીંગરોડ પર શિવ સ્પંદન હાઇટ્સમાં રહેતા અરવિંદભાઇ શનાભાઇ સુથાર ફર્નિચર બનાવવાનો ધંધો કરે છે.તેમનો પુત્ર બ્રિજેશ સાણંદમાં ખાનગી કંપનીમાં નોકરી કરે છે.રવિવારની રજા હોય તે ગતરાતે ઘરે આવ્યો હતો.અને સાંજે સ્કૂટર લઇને મિત્રોને મળવા ગયો હતો.સાડાઆઠ વાગ્યે બ્રિજેશની સાથે તેની માતાએ વાતચીત કરી હતી.પંદર મિનિટમાં આવુ છું,તેવું કહીને બ્રિજેશે ફોન મુકી દીધો હતો.થોડીવાર પછી તેની માતાના નંબર પર બ્રિજેશના મોબાઇલ ફોનથી કોલ આવ્યો હતો.અને તમારા પુત્રને વાઘોડિયા રોડ તીર્થ બંગ્લોઝ પાસે અકસ્માત થયો છે.તેવો મેસેજ આપ્યો હતો.જેથી,બ્રિજેશના પિતા સ્થળ પર દોડી ગયા હતા.સ્થળ પર જતા ખબર પડી હતી કે,એક સિટિ બસના ચાલકે સ્કૂટર પર જતા બ્રિજેશને અડફેટે લેતા તેના માથાના ભાગે ગંભીર ઇજા પહોેચી હતી.ઇજાગ્રસ્ત બ્રિજેશને સારવાર માટે સયાજી  હોસ્પિટલમાં લઇ જવામાં આવ્યો હતો.જ્યાં ટૂંકી સારવાર બાદ તેનું મોત નિપજ્યુ હતું.

(5:26 pm IST)
  • નરેન્દ્ર ભાઈ પછી કેન્દ્રીય ગૃહમંત્રી અમિતભાઈ પણ આજે જ કોરોના વાયરસની રસી મૂકાવી રહ્ના છે. અમિતભાઈ પોતાનાં નિવાસસ્થાને કોરોનાની રસી મુકાવશે. મેદાંતા હોસ્પિટલનાં ડો.સુશીલા વેક્સિનનો પ્રથમ ડોઝ આપશે. અમિતભાઈ શાહને ભારત બાયોટેકની કોવેક્સિનની રસી આપવામાં આવી રહી છે. નરેન્દ્રભાઈઍ પણ આ જ વેકસીન મુકાવી હતી. access_time 11:16 am IST

  • જાન્યુઆરીમાં જીએસટી કલેક્શન ૧.૧૩ લાખ કરોડ :જાન્યુઆરી 2021ના મહિનાનું જી.એસ.ટી. કલેક્શન ૧.૧૩ લાખ કરોડ ને આંબી જાય તેવા વાવડ મળે છે.( ન્યૂઝફર્સ્ટ) access_time 7:20 pm IST

  • સેન્‍સેકસમાં ૭૦૦ થી વધુ પોઇન્‍ટનો ઉછાળોઃ નીફટી ૧૪૭૦૦ની ઉપર : મુંબઇ : સપ્‍તાહના પ્રારંભે શેરબજારમાં તેજીનું વાવાઝોડુ ફુકાયુ છે. ૧૦ વાગ્‍યે સેન્‍સેકસ ૭ર૪ પોઇન્‍ટ વધીને ૪૯૮ર૪ અને નીફટી ર૧૯ પોઇન્‍ટ વધીને ૧૪૭૪૮ ઉપર ટ્રેડ કરે છે. પાવર ગ્રીડ, અલ્‍ટ્રાટેક, ઓએનજીસી ૪ ટકા જેટલા ઉછળ્‍યા. access_time 11:22 am IST