News of Tuesday, 13th March 2018

વૈશ્વિક બજારમાં સોના ચાંદીમાં દબાણ સ્થાનિક બજારમાં સાવચેતીનો માહોલ

રાજકોટ, તા.૧૩ :  વૈશ્વિક બજારમાં સોના ચાંદીના ભાવમાં દબાણ જોવાઈ રહ્યું છે. જોકે સ્થાનિક બજારમાં સુસ્ત માહોલ વચ્ચે સાવચેતીનો સુર જોવાઈ રહ્યો છે. જાણકારોના માનવા મુજબ અમેરિકામાં રોજગારના સારા આંકડાઓ બાદ વૈશ્વિક બજારમાં સોનામાં દબાણ દેખાઈ રહ્યું છે. સોનું ૧૩૨૫ ડૉલરની નીચે કારોબાર થઈ રહ્યો છે. જયારે ડૉલરમાં નરમાશથી સ્થાનિક બજારમાં સોનામાં તેજી સાથેનો કારોબાર થઈ રહ્યો છે.

સોનાની સાથે ચાંદીમાં સુસ્તી દેખાઈ રહી છે. વૈશ્વિક  બજાર સાથે સ્થાનિક બજારમાં પણ ચાંદીમાં નરમાશ જોવા મળી રહી છે. પાછલા સપ્તાહે જાહેર થયેલા નોન ફાર્મ  પેરોલના ડેટા મુજબ અમેરિકામાં ૩.૧૩ લાખ લોકોને રોજગાર મળ્યો છે. જે પાછલા દોઢ વર્ષમાં સૌથી વધારે છે.

(10:20 am IST)
  • પાણી બચાવવાને લઈ સુરતના ડોક્ટરોએ અનોખી પહેલ આદરી છે. જેમાં વોટસએપમાં તબીબો દ્વારા એક ગ્રુપ બનાવીને રોજ તેમાં ક્રિએટીવ મેસેજ, વીડિયો, ઓડિયો મુકીને અન્ય લોકો સુધી પહોંચાડવાના પ્રયત્નો કરવામાં આવી રહ્યાં છે. આ ગૃપમાં લગભગ શહેરના 50થી વધુ ડોક્ટર્સ જોડાઈ છે. ડોક્ટર્સને જ્યાં ક્યાંયથી પણ પાણી બચાવવાનો મેસેજ મળે તે આ ગ્રુપમાં મુકે છે. access_time 12:59 am IST

  • એક સાથે અધધ ૧૧ લાખ વિદ્યાર્થીઓએ પરિક્ષા છોડવા પાછળનું કારણ શું?... યોગી સરકાર દ્વારા તપાસ વેગવંતી :ઉત્તરપ્રદેશમાં ૫૦ ટકાથી વધારે છાત્રોએ પરિક્ષા આપવાનું માંડી વાળ્યુ એ શાળાઓની યાદી તૈયાર કરી ગાળીયો કસાશે, કેટલી જગ્યાએ બોર્ડની પરિક્ષા માટે ગેરકાયદે રજીસ્ટ્રેશન થયા છે? બાબત ઉપરથી ઉંચકાશે પરદોઃ કોપી મૂલ્યાંકનમાં દાંડાઇ કરનારા શિક્ષકો સામે પણ ભરાશે પગલાઃ ૧૭મીથી શરૂ થઇ રહેલા મૂલ્યાંકન દરમિયાન પરિક્ષાર્થીઓને મોબાઇલ લઇ જવા ઉપર મુકાશે પ્રતિબંધ, કેન્દ્રના મુખ્ય દરવાજા જ બંધ કરી દેવાશેઃમૂલ્યાંકનની કામગીરી સાથે જોડાયેલા શિક્ષકોને નિધારીત સમયે ફરજ ઉપર હાજર થવા ફરમાન access_time 4:55 pm IST

  • હરિયાણાઃશિક્ષકની હત્યાઃછોકરીને હેરાન કરવાના મામલે વિદ્યાર્થીને ઠપકો આપ્યો હત્યો : સોનીપત (હરિયાણા)ની એક કોલેજમાં વિદ્યાર્થીએ એક શિક્ષક રાજેશ મલિક (ઉ.વ.૪૦)ની ગોળી મારી હત્યા કરી : પોલીસના જણાવ્યા અનુસાર, શિક્ષકે કેટલાક દિવસ અગાઉ એક છોકરીને હેરાન કરવાના મામલે તે વિદ્યાર્થીને ઠપકો આપ્યો હતો : પોલીસે કેસ દાખલ કર્યો અને આરોપી વિદ્યાર્થીની શોધખોળ શરૂ કરી access_time 4:18 pm IST