Gujarati News

Gujarati News

News of Friday, 5th January 2018

રાજયમાં રવિ વાવેતર વધીને ૩૪ લાખ હેકટરે પહોંચ્યું: લસણ અને ચણાની બમ્પર વાવણી

સરેરાશ વાવેતરમાં ૧૭ ટકાનો વધારો ધાણાનું ઘટ્યું: ડુંગળીનું વધ્યું

રાજકોટ તા. ૪ : રાજયમાં રવિ વાવેતર પૂર્ણતાના આરે છે મોટાભાગના મુખ્ય વાવેતર અંતિમ તબક્કામાં છે હવે ડુંગળી સહિતના અન્ય પાછોતરા વાવેતર ચાલુ છે ત્યારે રાજયમાં શિયાળુ વાવેતર વધીને ૩૪ લાખ હકટરે પહોંચ્યું છે જે ગયા વર્ષની તુલનાએ ૧૭ ટકાનો વધારો સૂચવે છે.

રાજયના કૃષિ વિભાગના આંકડા મુજબ રાજયમાં રવિ વાવેતર ૩૩,૫૮ લાખ હેકટરમાં થયું છે જે ગતવર્ષે આ સમયગાળામાં ૨૮,૮૮ લાખ હેકટરમાં થયું હતું આમ ગતવર્ષની તુલનાએ વાવેતર ૧૭ ટકા વધીને છેલ્લા પાંચ વર્ષની ઊંચી સપાટીએ પહોંચ્યું છે.

રાજયમાં ચણાનું વાવેતર ૭૭ ટકા વધીને ૨,૯૧ લાખ હેકટરમાં થયું છે જયારે જીરુંનું વાવેતર ગયા વર્ષની તુલનાએ ૩૮ ટકા વધીને ૩,૮૧ લાખ હેકટરે પહોંચ્યું છે જયારે લસણનું વાવેતર ૮૬ ટકા વધ્યું છે એટલે કે લસણનું વાવેતર બમણું થયું છે જોકે ધાણાનું વાવેતર ૪૨ ટકા ઘટ્યું છે જયારે ડુંગળીનું વાવેતર ૧૪ ટકા વધ્યું છે.

(9:21 am IST)
  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST