Gujarati News

Gujarati News

News of Thursday, 8th March 2018

ફેબ્રુઆરીમાં લાસણગાવમાં ડુંગળીની આવક ગતવર્ષ કરતા ૪૦ ટકા ઓછીઃ ભાવ બમણા

ગતવર્ષે ૬.૧૧ લાખ કવીન્ટલની તુલનાએ આવક ૩.૭૦ લાખ કવીન્ટલ થઈ

રાજકોટ, તા.૮ : ડુંગળીના ભાવમાં જબરો કડાકો બોલી રહયો છે ત્યારે એશિયાની સૌથી મોટી મંડી લાસણગાંવમાં ફેબ્રુઆરીમાં ડુંગળીની આવક ગયા વર્ષના ફેબ્રુઆરી કરતા ૪૦ ટકા ઓછી થઇ છે. જોકે ભાવ ગતવર્ષની તુલાનાએ હજુ બમણા છે.

નેશનલ હોર્ટિકલચરલ રિસર્ચ એન્ડ ડેવલોપમેન્ટ ફાઉન્ડેશનના આંકડા મુજબ ફેબ્રુઆરીમાં લાસણગાંવમાં ડુંગળીની ૩.૭૦ લાખ કવીન્ટલ આવક થઇ છે. જે ગયા વર્ષે ફેબ્રુઆરીમાં ૬.૧૧ લાખ કવીન્ટલની આવક થઇ હતી. આમ આવક ગયાવર્ષ કરતા ૪૦ ટકા ઘટી છે.

ડુંગળીની આવક ગયા વર્ષની તુલાનાએ ઓછી થયા છતાં સરેરાશ ભાવ ગતવર્ષ કરતા બમણા છે. ફેબ્રુઆરીમાં સરેરાશ ભાવ કવીન્ટલના ૧૦૫૦ આસપાસ હતા. જે ગયા વર્ષે ફેબ્રુઆરીમાં ૫૨૫ ભાવ હતા.

(9:36 am IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST

  • નીરવ મોદીના કૌભાંડ પૂર્વે 2017ના નાણાકીય વર્ષમાં પંજાબ નેશનલ બેંકે વિવિધ કૌભાંડોમાં 2800 કરોડ ગુમાવ્યા છે access_time 12:08 am IST