Gujarati News

Gujarati News

News of Tuesday, 5th June 2018

નિકાસ માંગના ટેકે જીરામાં લાંબાગાળે તેજીની શકયતા

સારા ઉત્પાદન અને ઉંચો સ્ટોક છત્તા વૈશ્વિક બજારમાં જીરૂનો ઝળહળાટ જળવાશે

રાજકોટ, તા.૫ : જીરૂમાં નિકાસ મંગના ટેકે લાંબાગાળે મજબૂતીની શકયતા હોવાનું જાણકારો માને છે. સારા ઉત્પાદન અને દેશમાં જીરાના ઊંચા સ્ટોક હોવા છતાં નિકાસને કારણે ભાવમાં મજબૂતી રહેશે.

વૈશ્વિક બજારમાં જીરાના ઉત્પાદનમાં ભારત ટોચના દેશોમાં સ્થાન ધરાવે છે. અન્ય હરીફોમાં સિરિયા અને તુર્કી છે. જે જૂનમાં બજારમાં પ્રવેશ કરશે. પરંતુ નિકાસકારોના માનવા મુજબ આ બંને દેશમાંથી જીરાનો જથ્થો એટલો મોટો નહીં હોય કે લાંબા ગાળે ભાવ પર અસર કરી શકે આવી સ્થિતિમાં ભારતીય જીરાનો ભાવ આગામી બે મહિનામાં ૧૭૨ પ્રતિ કિલોથી ઉપર જઈ શકે છે.

છેલ્લાં કેટલાંક વર્ષોથી ચીન જીરૂની ખરીદીમાં આગળ છે. તેના કારણે ભારતમાંથી નિકાસ થતા મસાલામાં જીરૂ બીજા ક્રમે છે. ભારતમાંથી સૌથી વધુ મરચાંની નિકાસ કરવામાં આવે છે. નિકાસની ગુણવત્તા અને વેલ્યૂમાં સ્થિર ગતિએ વધારો થઈ રહ્યો છે. વાણિજય વિભાગના આંકડા પ્રમાણે ફેબ્રુઆરીમાં પૂરા થતા ૧૧ મહિનામાં જીરાની નિકાસનું વોલ્યુમ વધીને ૧.૨૭ લાખ ટન થયું હતું. ૨૦૧૬-૧૭માં જીરાની નિકાસ ૧.૧૯ લાખ ટન થઈ હતી.

 

(10:10 am IST)
  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST

  • બનાસકાંઠા ;રાજસ્થાનના RTO દ્વારા હપ્તા માટે ટ્રક ડ્રાયવરને રોકી રાજસ્થાન પરિવહન વિભાગ હપ્તા માંગણી કરતો વિડીયો વાયરલ :ગુજરાત-રાજસ્થાન બોર્ડર પર ટ્રક ડ્રાયવરો અને RTO વચ્ચે થઇ ઝપાઝપી :દારૂના નશામાં RTO વિભાગના કર્મચારીઓ ટ્રક કરી રહ્યા છે હેરાન access_time 1:22 pm IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST