Gujarati News

Gujarati News

News of Tuesday, 5th June 2018

નૈઋત્વનું ચોમાસુ વહેલું છત્તા ખરીફ વાવણી ધીમી

ખેડૂત આંદોલનને કારણે વાવેતર કામગીરી ખોરંભે પડવાની ભીતિ

નવી દિલ્હી, તા.૫ : ચાલુ વર્ષે દેશમાં ચોમાસુ વહેલું શરૂ થયું છે. છત્તા ખરીફ વાવણી ધીમી જોવા મળે છે. ગયા વર્ષના આ સમયગાળાની તુલાનાએ ખરીફ વાવેતર વિસ્તાર હજુ ઓછું થયું છે. જાણકારોના માનવા મુજબ હાલમાં ચાલતા દેશભરમાં ખેડૂત આંદોલનને કારણે ખરીફ વાવણીની કામગીરી ખોરંભે પડવા વકી છે.

ગયા વર્ષે જૂનના પ્રારંભમાં ૭૭.૬૭ લાખ હેકટર વિસ્તારમાં વાવેતર થયું હતું. જે આ વર્ષે ૭૨.૬૧ લાખ હેકટર વિસ્તારમાં થયું છે. હરિયાણા તથા પંજાબમાં કપાસનું વાવેતર ઓછું થયું છે. ઉત્તર પ્રદેશ તથા મહારાષ્ટ્રમાં ખેડૂતોને શેરડીનો પાક લેવામાં ઉત્સાહ જોવાઈ છે. ખેડૂતો વધુ પાક લઈ રહ્યા હોવાથી આ વર્ષે પણ શેરડીનું ઉત્પાદન ઊંચુ આવવાની ધારણાં છે. કપાસનું વાવેતર ૯.૯૬ લાખ હેકટર વિસ્તાર સુધી સીમિત રહ્યું છે. જે ગયા વર્ષે  જુનના પ્રારંભ સુધીમાં ૧૨.૧૮ લાખ હેકટર વિસ્તાર રહ્યું હતું.

ડાંગરનું વાવેતર પણ નીચું રહ્યું છે. ગયા વર્ષના ૧ જુન સુધીમાં ૫.૨૦ લાખ હેકટર વિસ્તારની સામે આ વર્ષે ૨.૯૫ લાખ હેકટર વિસ્તાર પર ડાંગરનું વાવેતર પૂરૂ થયું છે. આ ઉપરાંત કઠોળ, તેલીબિયાં અને કડધાન્યની વાવણી પણ ગયા વર્ષના આ ગાળાની સરખામણીએ ઓછી રહી હોવાનું જોવા મળી રહ્યું છે.

(10:09 am IST)
  • પેટ્રોલ ડીઝલમાં સતત આઠમા દિવસે ભાવ ઘટશે:બુધવારે પેટ્રોલમાં લિટરે 9 પૈસા અને ડીઝલમાં 6 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,99 રૂપિયા અને ડીઝલનો ભાવ લિટરે 73,94 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 12:09 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST

  • અમરેલી: સરકારે ખરીદેલ ટેકાના ભાવની તુવેરની ચોરી: સાવરકુંડલાના બાઢડાના ગોડાઉનમાંથી અઢી લાખની તુવેરની ચોરી થઈ: ગોડાઉનના શટરના તાળા તોડીને તસ્કરો 90 ગુણી તુવેર ચોરી ગયા access_time 12:48 am IST