શાહિદે ફિલ્મ છોડીઃ હવે રાજકુમાર રાવને લેશે ઇમ્તિયાઝ

જબ વી મેટ જેવી હિટ ફિલ્મના દસ વર્ષ પછી શાહિદ કપૂર ફરીથી ઇમ્તિયાઝ અલી સાથે કામ કરવાનો હતો. ઇમ્તિયાઝ અને શાહિદે આ અંગે જાહેરાત પણ કરી દીધી હતી. પરંતુ હવે લાગે છે કે આ બંને સાથે ફિલ્મ નહિ કરી શકે. શાહિદે આ ફિલ્મ છોડી દીધી છે. શાહિદ પ્રારંભે ખુબ ઉત્સાહિત હતો અને ગયા વર્ષે આ ફિલ્મ માટે લૂક ટેસ્ટ પણ આપ્યો હતો. પરંતુ સ્ક્રિપ્ટ બાબતે તે સંતુષ્ટ ન હોઇ જેથી પોતાનું નામ પાછુ ખેંચી લીધુ છે. હવે ચર્ચા છે કે શાહિદની જગ્યાએ ઇમ્તિયાઝ અલી નેશનલ એવોર્ડ વિજેતા અભિનેતા રાજકુમાર રાવને લઇને ફિલ્મ બનાવશે .જો કે હજુ આ બાબતે કોઇ પાક્કો નિર્ણય લેવામાં આવ્યો નથી.