મોહમ્મદ જિશાન અયુબની ડાર્ક કોમેડી

નો વન કિલ્ડ જેસિકા, તન્નુ વેડ્સ મન્નુ, મેરે બ્રધર કી દૂલ્હન, જન્નત-૨, રાંઝણા, શાહિદ, માઝી, ડોલી કી ડોલી, ફેન્ટમ, ઓલ ઇઝ વેલ, રઇસ, ઠગ્સ ઓફ હિન્દુસ્તાન, ઝીરો, મનીકર્ણિકા, મિશન મંગલ, છલાંગ સહિતની ફિલ્મોમાં પોતાના અભિનય થકી નામના મેળવી ચુકેલો મોહમ્મદ જિશાન અયુબ હવે ડિજીટલ દુનિયામાં ડગલા માંડી રહ્યો છે. એ સિમ્પલ મર્ડર નામની સોની લિવની ડાર્ક કોમેડી સિરીઝમાં તેને મુખ્ય રોલ મળ્યો છે. તાજેતરમાં રજુ થયેલી છલાંગમાં મોહમ્મદ જીશાન અયુબ રાજકુમાર રાવ અને નુસરત ભરૂચા સાથે જોવા મળ્યો છે. હવે તેની એ સિમ્પલ મર્ડર પણ રિલીઝ થઇ ચુકી છે. આ સિરીઝનું શુટીંગ સતત એકતાલીશ દિવસ સુધી હૈદરાબાદ, અમૃતસર અને દિલ્હીમાં કોરોના મહામારી વચ્ચે કરવામાં આવ્યું છે. ટ્રેલર રિલીઝ થયું ત્યાં જ સિરીઝની ચાહકો રાહ જોવા માંડ્યા હતાં. પૈસાની લાલચમાં એક યુવાન મર્ડર કરવા તૈયાર થાય છે, પણ ભુલથી બીજાનું મર્ડર કરી નાંખે છે. અમિત સિયાલ, સુશાંતસિંહ, પ્રિયા આનંદ, અયાઝ ખાન, ગોપાલ દત્ત, યશપાલ શર્મા પણ આ સિરીઝમાં છે.